СЕРГЕЙ МЕНЯЙЛО ЧОННАҢ ТОҒАСХАН
17.08.2016
Хабарлар
Россия Президентінің Сибирьдегі федеральнай округча полномочиеліг кізізі Хакасияның чуртағҷыларынаң тоғазығ иртірген. Тоғазығ Россия Президентінің приемнайында ирткен. Республика чуртағӌылары Сергей Ивановичсер ӧӧнінде чурт паза хоных сурығларынаң айланғаннар.
Харатастың чуртағӌызы городтағы Широкая орамада чарадии чох сӧп-сап тӧгілчеткен орынны чох идердеңер искірген. Андағы чирлер льготалығ кізілерге чурт пӱдірерге пирілгеннер. Город администрациязы ораманы нинче-нинӌе хати арығлаан полған. Ирткен чылда ла 250-ӌе кубометр сӧп-сап сығарылған. Че городтың чуртағӌылары сӧп-сапты ам даа андар тӧкчелер.
Сергей Меняйло Харатас пазы Василий Белоноговха чирлерні сӧп-саптаң арығлап саларға паза аны ибіре сиденнеп саларға чахығ пирген.
Пии аймааның Богословка аалның чуртағҷызы суғ алӌаң станцияда тыхтағ тоғыстарын иртірерге сурынған. Хакасияның пӱдіріг паза чурт-коммунальнай хоных министерствозының специалисттері станцияда хайдар тоғыстар идерге кирек полчатханын сыныхтааннар, ол ноо тусха тыхтал парарын, азынада сананыстар идіп, кӧр салғаннар.
Суғ суриин ідӧк кӧдіргеннер Хааң кӧл станцияның чуртағӌылары. Оларның сурынызынаң пу сурығны пӧгерінең муниципальнай ӱлгӱлер айғасчалар, оларға республика хабасча, ол санда «Хакасияның кічіг паза ыраххы аалларын хайраллиры паза тилідері» программазы хоостыра. Станцияның хыринда наа скважина сабылған. Амды пу тоғыстарны тоозарынҷа инженернай-техническай сурығлар ӱзӱрілчелер, анаң суғ тартылар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде