АҒБАНДАҒЫ АЭРОВОКЗАЛНЫҢ АЧЫҒЫ НААҶЫЛАЛЧА
19.08.2016
Хабарлар
ПӰӰЛ АҒБАНДАҒЫ АЭРОВОКЗАЛ АЛНЫНДАҒЫ АЧЫХ ПРАЙ НААҶЫЛАЛ ПАРАРҒА КИРЕК. ӦӦН ТОҒЫСТАР ІКІ ЧАРДЫХТИ ПАРАРЛАР. АМДЫ «ДСУ-7» ПОДРЯДНАЙ ОРГАНИЗАЦИЯ ТОҒЫСТАРНЫҢ ПАСТАҒЫ ЧАРДЫҒЫН АПАР СЫХХАН. АЭРОВОКЗАЛНЫҢ ОҢ САРИНДАҒЫ АЧЫХТЫ НАА АСФАЛЬТ ПАЗА ТРОТУАР ПЛИТАЛАРЫН САЛАРЫНА ТИМНЕПЧЕЛЕР. ӀДӦК НАҢМЫР СУУН ХЫЙА АҒЫСЧАҢ ТРУБАЛАР САЛЫЛАР.
ХАКАС РЕСПУБЛИКАНЫҢ ПАЗЫ ВИКТОР ЗИМИН ХАЙДИ АЛНЫНДА ТАНЫХТААН ПОЛҒАН, РЕСПУБЛИКАДА АМҒЫ ТУСТАҒЫ НАА КӦРІМНІГ АЭРОПОРТ ПОЛЗА ПАЗА САМОЛЕТТАРНАҢ ПАСХА ЧИРЛЕРЗЕР СЫБЫРА УЧУХЧАҢ ОҢДАЙ ПОЛЗА, АНДАҒ РЕГИОН ЭКОНОМИКА САРИНАҢ ТИЛІП ТУРАР.
Ізестіг транспорт палғалызы паза азых, пілдістіг экономика политиказы пірге апарылза, бизнес киреен апарарға оой полар.
Хакас Республиканың транспорт паза чол хонии министрі Александр Егоровтың чооғынаң, аэровокзал алнындағы ачыхты нааӌылир тоғыстарның документация проекті тимнелген. Аэровокзал алнын иптир тоғыстар кӧріл парғаннар паза автотранспорт турғысчаң орыннар пар полар, че анда транспортха тикке турарға нинӌе-де ле тус пирілер. Ол оңдайнаң транспорт тулғорлары полбин турар.
Ағбан аэропорттың ӧӧн директоры Александр Попов таныхтаан, мында прай ниме тузында нааҷылалып тыхтал сыхты, амғы туста Ағбандағы аэропорт тоғызы кӧп полыбысхан, самолеттар учухчатханы хозылыбысхан, аннаңар чорыхчыларға хорғыс чох паза истіг учух чӧрерге оңдайлар ідӧк пӧзік синде поларға кирек.
Аэровокзал хыриндағы ачыхты прай нааӌылирына 27 миллион салковай кӧріл парған, Ахчаны республика бюджедінең пирерлер паза авиапредприятие пос ахчазын хорадар. Пу прай тоғыстарны пӱӱлгі чыл тоозылғанҷа толдыр саларға пӧгін тутчалар.
Автор :
Хакасияның транспорт паза чол хонии министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы