МАЙНАДАҒЫЛАРНЫ ПАЙРАМНАҢ ЭНЕРГЕТИКТЕР АЛҒЫСТААННАР
24.08.2016
Хабарлар
Сойан-Сус ГЭС-тың тоғынҷылары Майнаның чуртағҷыларын поселок тӧстелгеннең пеер 70 чыл толчатханынаң алғыстааннар.
СШГЭС директорының тиксі сурығларҷа паза хозяйство киректерінҷе орынҷызы Николай Финашкин Майнаның чуртағҷыларына гидроэнергокомплекс ӧмезінің алғыстас сӧстерін читірген:«Нимее пай паза нименең сабланча поселок - ол аның чуртағҷыларының чидии! Майнаның саблығ тархыны, чахсы кибірлері энергетиктерні, пӱдірігҷілерні паза металлургтарны піріктірчелер. Пірге кӱстеніснең піс прай нимені ит поларбыстар, пістің хынған чирібіс чахсыланарына, пик поларына паза тилиріне!»
Майна поселокты паза Сойан-Сус ГЭС-ты ӱр чыллар партнер хайызығлары палғалыстырчалар. Мында, Нымырттығдағыох чіли, станцияның тоғынҷылары чуртапчалар, ГЭС-ты пӱдірген паза анда тоғынған ветераннар пархаларын ӧскірчелер. «Рус-Гидро» ПАО-ның полызығлығ тоғызы хоостыра энергетиктер чыл сай поселоктың ӱгредіг, имнег паза культура учреждениелеріне ахчанаң хабасчалар, халых пірігістеріне полысчалар. 2016 чылда Сойан-Сус ГЭС ол пӧгіннерге 478 муң салковай позытхан.
Автор :
«РусГидро» ПАО-ның пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы