ВИКТОР ЗИМИН ТАБЫҒҶЫЛАРҒА АЛҒЫЗЫН ЧИТІРГЕН
21.09.2016
Хабарлар
Хакасияның пазы Виктор Зимин республикада ирткен табығларның салтарлары хоостыра сағыс-кӧрізінең ӱлескен:
- Хакасияда Россияның читінҷі хығыртииның Хазна Думазы депутаттарын табарынҷа табығ кампаниязы тоозыл парды. Мин республиканың прай чуртағҷыларына, кем табығ участоктарынзар килген паза хазнаның, регионның, постың кічіг чир-сууның таңдағызы ӱчӱн ӱнін пирген, улуғ алғызым читірчем.
Россия парламентінің Хакасиядаң сығара депутадына Надежда Сергеевна Максимова табылды. Прай чӱреемнең алғыстапчам аны, Надежда Сергеевна, республика ӱлгӱлерінең хада тоғынып, табығлар алнындағы молҷағларын, табығҷыларның сурыныстарын хайди даа толдырар тіп ізенчем. Табығлар тузында Хакасияда улуғ сайбағлар, тартыстар чох полған. Анзы республика чуртағҷылары ӱлгӱ органнарынаң тоғыс салтарларын сағыпчатханын, чахсы чуртасха ізенчеткенін киречілепче.
Аннаңар ӱн пирістің салтарларын паза табығлар тузында ілезіне сығысхан сидік сурығларны чахсаан ӱзӱрібізерге кирек. Кізілер пирчеткен сидіксіністіг сурығлардаң чазынарға кирек чоғыл, оларны пӧкчең оңдайлар тілирге кирек. Андағ пӧгін турғызылған правительство паза муниципальнай пӱдістер алнында. Абазаға, Тӧӧ пазына паза республиканың тағ рудазы комплексіне хабазары, пістің прай социальнай программаларны паза проекттерні чуртасха кирері ідӧк аннаң андар узарадылар.
Ідӧк табығлардағы чиңіснең алғыстирға сағынчам Елена Владимировна Егорованы. Ағбан пилтірі аймааның чуртағҷылары, ағаа ізеніп, аймахнаң устирын аның холына пиргеннер. Ізенчем, ол орта чарадығ.
Хакасияның прай чуртағҷыларына ӧткін тудыныс ӱчӱн хати алғызым читірчем. Кізілер регионны чуртас-экономика саринаң тузімніг тилітчең паза чахсы чуртас пӱдірҷең чолны таллап алғаннар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы