ИБЗЕР ӦРЧІЛІГ АЙЛАНҒАННАР
12.10.2016
Хабарлар
Республика пазы Виктор Зиминнің чахиинҷа чуртасха кирілчеткен "Хакасияның кічіг паза ыраххы аалларын хайраллиры паза тилідері" программа хоостыра регионның транспорт министерствозы Хоғайдағы школаның ӱгренҷілерін республиканың ӧӧн городынзар чорыхха сығарған.
Узах чол соонаң 11 ӱгренҷіні Ағбандағы Хакас филармониязының кафезінде ізіг ас-тамах сағаан, анаң Ағбандағы зоопаркча - экскурсия. Ідӧк олғаннар "Нымах" кӧклӧлер театрында "Хоосха паза Тӱлгӱ" ойын кӧріп алғаннар. Ибзер олғаннар ӧрчіліг айланғаннар.
Хакасияның транспорт министерствозы республиканың промышленность паза чир-чайаан ис-пайы министріне, "Нымах" театрының директорына паза "Блюз" кафенің устағ-пастаана чорыхты иртірерінде хабасхан ӱчӱн алғызын читірче.
Автор :
Елена ТИМОФЕЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде