ӰЛГӰНӀҢ ТОҒЫЗЫН ЧОН ПААЛАПЧА
06.12.2016
Хабарлар
Россияның президенті Владимир Путин Федеральнай Чыылығзар позының Айланызынаң сыххан соонда, Хакасияның пазы Виктор Зимин телефонҷа сағыс-кӧрістерінең ӱлескен.
- Россияның президентi позының чооғының пастағы чардығында олаңай сӧбірелерге чуртаӌаң чахсы оңдайлар пиреріне кӧп хайығ салған.
Хазна чонының кӧбізі олар полчалар, - теен Виктор Зимин. - Ол имнег, ӱгредіг полызығларын пӧзік синде пирері, туралар хыриндағы чирлерні иптирі, чолларны тыхтиры, пасха сӧснең, ол чуртағӌыларға кӱннің сай урунчатхан прай сурығлар. Андағ сурығлар регионнарда хайди тӱзімніг пӧгілчеткенінең ӱлгӱ органнарының тоғызына чон хайдағ паалағ пирері палғалысча.
Хакасияда хазых хайраллаӌаң системаны тилідерінде улуғ хаалағ иділген. Піс чыл тоозылғанӌа республиканың имнег туразының наа корпузын тузаланысха кир саларбыс, пір айға перинатальнай кіннің пӱдіриин тоос саларбыс. Ол олаңай ла наа туралар нимес, андар наа специалисттер килер, наа оборудование ал салғабыс. Кізілерге полызығ пирерін ол пӧзік синге кӧдірер. Имнег кирее пӱӱн - республика бюджедінде иң кӧп ахча хорадылчатхан статья, піс ағаа піліне парғабыс. Имнег полызиин прайзына пӧзік синде пирерінҷе тоғысты піс узарадарбыс, ол республика чуртағӌыларына уғаа кирек сурығ.
Піске алынӌа хайди даа хайығ айландырӌаң пӧгін, хайзынаңар ідӧк Владимир Владимирович чоохтаан, ол аал хониин тилідері, хайзы кӧӧлӌе тиліңең наа пӧзік синге сыхча. Пірее сурығларҷа пістің бизнес, пістің идінӌектерібіс федеральнай кіннең кӧмес алнынҷа парчатханнарын кӧрерге чахсы пілдірче. Кӧзідімге, аал хонии кооперациязы республикада нинҷе-де чыл матап тиліп парир. Чахсы салтарлар пар, тайға ӧзімнерінең тоғынар производство ӧсче, пасха регионнарда пістің продукцияа хайығ айландыр сыхтылар. Хакасия чир-чайаан ис-пайына, тархын-культура наследиезіне пай, чонның кӱзі улуғ, кӧп нациялығ амыр регион полчатханын санға алып, піс пӱӱн турғызылған пӧгіннерні толдырарын тӧреміл узарадарбыс.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде