ИМНЕГ КИРЕЕН НАА СИНГЕ СЫҒАРАРҒА
28.12.2016
Хабарлар
Хакасияның пазы Виктор Зимин республиканың хазых хайраллаңаң министрі Наталья Коганнаң тоғасхан. Тоғазығда 2016 чылның салтарлары иділген.
- Хазых хайраллиры - регион чуртазының иң ӧӧн отрасльының пірсі. Сірер иң аарлығ нимені хайығда тутчазар - пістің чир-суғӌыларыбыстың хазиин, - теен Виктор Зимин, тоғазығны пастап.
Наталья Коган хазых хайраллир системаның тоғызын хазна президентінің чахығларындағы кӧстегліг кӧзідіглерҷе паалапчалар тіп таныхтаан.
Палалар тӧріпчеткенін алза, пістің кӧзідімнер Сибирьдегі федеральнай округча паза Россияӌа даа иң пӧзіктернің пірсі полча, - искірген министр.
Виктор Зимин, иділген тоғыс ӱчӱн алғызын читіріп, республиканың наа объектіне хайығ айландырған:
- Перинатальнай кін пістің имнег киреен наа синге сығарарға кирек.
Коганның искіриинең, халғанӌы чылларда чуртағӌылар ӱрепчеткенінің сині пілдірте хызырылған. Республика чуртағӌылары иң удаа чӱрек-тамыр ағырығлары сылтаанда чуртастаң ирте парыбысчалар. Киректі оңдайлир пӧгіннең кӧп мероприятиелер иртірілген, анзы кізілерге пастағы имнег полызиин пирерін пілдірте чахсыландырыбысхан.
Наталья Коган ідӧк онкология ағырығларынаң ағырчатханнарға имнег полызиин пирерінҷе хайдағ тоғыс апарылчатханынаңар искірген. Республикада хирургия паза химиотерапия полызығ кӧрімнері пирілче, че лучевой терапия чоғыл. Хакасияның пазы ол кирек хоостыра республикада радиология корпузын пӱдірҷең оңдай тілирінҷе тоғынарға чахаан.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы