НАА ЗАКОН ПРОМЫШЛЕННОСТЬТЫ ТИЛІДЕР
30.12.2016
Хабарлар
Хакасияның Ӧӧркі Чӧп президиумы пу чылдағы халғанҷы чыылиин иртірген. Чыылығда пір наа закон проекті кӧрілген - «Хакас Республикадағы промышленность политиказынаңар».
Наа закон проектінең Хакасияның экономика министрі Татьяна Пауль таныстырған. Хайди ол чарытхан, наа закон «Россия Федерациязындағы промышленность политиказынаңар» федеральнай закон хоостыра тимнелген. Федеральнай законҷа Россия субъекттерінің хазна ӱлгӱзі органнары полномочиелерінің пірсі промышленностьты тилідер орындағы законнарны алары полча. Наа закон, промышленностьта істенчеткен предприятиелерге хабазығ пиріп, ол санда ахчалығ, республиканың тиксі промышленность сферазын тилідер.
Ӧӧркі Чӧп кнезі Владимир Штыгашевтің таниинаң, Россияның 50-ҷе субъектінде мындағох законнар алылған, піске аны аларға кирегӧк. Наа закон «Хакас Республиканың промышленностьты тилітчең концепциязынаң» палғалыстығ.
Ідӧк ӧӧркі чӧптегілер пу чыылығда «Арачыланыстаңар» федеральнай законзар алызығлар кирчеткен федеральнай закон проектіне ӱндезерін кӧрібіскеннер. Кирілчеткен алызығлар арачыланыс полномочиелерінің чардығы регионнарға пирілчеткенінең палғалыстығ. Аны хоостыра регионнар паза муниципальнай пӱдістер синінде арачыланыс штабтарын тӧстирі кӧрілче.
Владимир Штыгашевтің чооғынаң, ол 30 чыл мының алнында андағ орындағы арачыланыс штабынаң устаан.
- Піс чідір салған нимезер хатап айланчабыс, анзы мині ӧріндірче, - таныхтаан парламент устағӌызы.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы