Пӱӱн - Россияның печать кӱні
13.01.2017
Хабарлар
Хакасияның Правительствозы паза Ӧӧркі Чӧбі алғыстапчалар сірерні профессиональнай ӱлӱкӱннең - Россияның печать кӱнінең!
Пӱӱн печать изданиелері - ол халых чонның кӧріндезі. Россияның журналистиказы хаӌан даа, чарыдығлығ тоғыс апарып, культураны, ынархасты паза амыр чуртасты тыыдар кӧстегнең тоғынӌаң.
Хакасияның журналисттері - пос киреенің сын профессионаллары. Хабарлар, сюжеттер, газеталардағы статьялар - ол оой нимес, удаа хорғыс ағылчатхан, істеністің салтары. Журналисттер ӱлгӱнің иң тӱзімніг полысчылары полчалар.
Хакасияның прай журналисттерін паза журналистика ветераннарын ӱлӱкӱннең алғыстапчабыс! Чахсы чуртас, чайаачы чидіглер, пик хазых алғапчабыс!
***
13 январьда Печать кӱні таныхталча. Редакциялар тоғынӌылары кӱннің сай постарының чапсых хабарларынаң кізілерні ӧріндірчелер, олар ідӧк пасхазының хомзыныс-чобағларын чӱректері ӧтіре позытчалар, чуртастың сидік сурығлары хоостыра талазығда аралазарға хығырчалар.
Орындағы газеталар чонның тілін, культуразын хайраллап халар, аны тилідер ӱчӱн турысчалар, чахсы пастағларға хозыларға кӧӧктірчелер. Полған на редакцияның позының таланттығ чайаачы ӧмезі, чидіглері паза ӧріністері. Улуғ частығ хабарӌыларнаң хада чииттер тӱзімніг тоғын парчалар.
Прайзын Печать кӱнінең алғыстапчам, наа чидіглер алғапчам.
Автор :
В.М.ЗИМИН, Хакасияның пазы - Хакасияның Правительство кнезі В.Н.ШТЫГАШЕВ, Хакасияның Ӧӧркі Чӧп кнезі, Ольга ШИРКОВЕЦ, Россияның Журналисттер пірігізінің Хакасиядағы пӧлиинің кнезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы