УЛУҒ ЧОРБАДА НАА ФАП ТОҒЫНЫП ПАСТАБЫСХАН
25.01.2017
Хабарлар
Боград аймаандағы Улуғ Чорба аалда 2016 чылның ноябрь айынаң сығара наа фельдшер-акушер пункты тоғынча. Пу кӱннерде аның тоғызын кӧрерге Хакасияның хазых хайраллаҷаң министрі Наталья Коган чӧрген.
Мының алында имнег пункты олаңай турада орныххан. Наа модульлығ ФАП-тың пӱдірии РусГидро компанияның, «Сопричастность» полызығлығ фондтың паза ОМС-тың орындағы фондының хабазиинаң 2015 чылның июльынаң сығара пасталған. Пӱдірігнің тиксі паазы 2,5 миллион салковайға тиңнелген.
Улии пір чӱс квадрат метрліг фельдшер-акушер пункты улуғларны паза палаларны кӧрӌең кабинеттердең, перевязочнайдаң, процедуралар итчең кабинеттең, прививка турғысчаң кабинеттең, аптека пунктынаң паза хозблоктаң пӱтче. ФАП-та санитарнай автомобиль пар, аның полызиинаң тың ағырыбысханнарны Боградтағы, Харатастағы паза Ағбандағы имнег тураларынзар читірчелер.
- Халғанӌы сигіс чыл аразына Хакасия аалларында 40 имнег пӧлии пӱдірілген - фельдшер-имнег пункттары паза имнег амбулаториялары. Паза чағынғы туста піс ааллардағы имнег полызиин тилідерінӌе тоғысты аннаң андар узарадарбыс, - таныхтаан Наталья Коган.
Автор :
Хакасияның хазых хайраллаӌаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы