НАА МИКРОРАЙОНҒА - НАА ШКОЛА
15.02.2017
Хабарлар
ХАКАСИЯДА КІЧІГ ПАЛАЛАР САНЫ ӦСЧЕТКЕНДЕ, ОРЫНДАҒЫ ӰЛГӰ ОЛАРҒА ОЛҒАН САДТАРЫНДА ПАЗА ШКОЛАЛАРДА ОРЫННАР ТИМНИР ТОҒЫСТЫ АЗЫНАДА АПАРЧА. УЛАМОХ УЛУҒ ТОҒЫС АҒБАНДА ПАРЧА. ХАКАСИЯНЫҢ ПРАВИТЕЛЬСТВОЗЫ МЫНДА ШКОЛАЛАР ПӰДІРЕР ТОҒЫСТЫ АЛҒЫМ АПАРЧА. ІДИ КИҶЕЕ АҒБАННЫҢ 6-ҷы МИКРОРАЙОНЫНДА НАА ШКОЛАНЫҢ ПӰДІРИИ ПАСТАЛДЫ. ХАЛҒАНҶЫ ЧЫЛЛАРДА АНДА КӦП НАА ТУРАЛАР ПӰТ ПАРҒАН. ШКОЛА ПӰДІРИИН ПАСТИРЫНДА АРАЛАСХАННАР ХАКАСИЯ ПАЗЫ ВИКТОР ЗИМИН, АҒБАН ПАЗЫ НИКОЛАЙ БУЛАКИН, ХАКАСИЯНЫҢ ӰГРЕДІГ ПАЗА НАУКА МИНИСТРӀ ГАЛИНА САЛАТА ПАЗА ДАА ПАСХАЗЫ. ОЛАР ШКОЛАНЫҢ ПАСТАҒЫ ӦЗЕГІН САПХАННАР.
- ХАКАСИЯНЫҢ ПРАВИТЕЛЬСТВОЗЫ ӰГРЕДІГ КИРЕЕНЕ ХАҶАН ДАА УЛУҒ ХАЙЫҒ САЛЧА. ОЛҒАН САДТАРЫ ПАЗА ШКОЛАЛАР ПОЛЗА, ПІСТІҢ ІҶЕЛЕР ТАҢДАҒЫ КӰНЗЕР ІЗЕНІСНЕҢ КӦРЕРЛЕР. АҒБАН ГОРОД ЧЫЛДАҢ АЛҒЫП ОДЫРЧА, НАА МИКРОРАЙОННАР ТӦСТЕЛЧЕ. ПІСТІҢ ПАЛАЛАРЫБЫС ӰГРЕНЕРГЕ ИБДЕҢ ЫРАХ ПАРБАС ӰЧӰН, ПОЛҒАН НА НАА МИКРОРАЙОНДА ПІС ОЛҒАН САДТАРЫН, ШКОЛАЛАР ПӰДІРЕРГЕ КӰСТЕНЕРБІС, - ТАНЫХТААН ВИКТОР ЗИМИН.
23300 КВАДРАТ МЕТРЛІГ НАА ШКОЛАДА 1 МУҢ ӰГРЕНҶІ ӰГРЕНЕР. АНДА СПОРТЗАЛЛАР, БИБЛИОТЕКА, СТОЛОВАЙ ПАЗА 44 ӰГРЕДІГ КАБИНЕДІ ОРНЫҒАР, ТАСХАР, ТІЗЕҢ, НИИК АТЛЕТИКА, БАСКЕТБОЛ ПАЗА ДАА ПАСХА СПОРТ ПЛОШАДКАЛАРЫ ПОЛАР.
ПӰДІРІГНІ ХЫЗЫЛЧАРДАҒЫ «ГРАД СК» ООО ПОДРЯД ОРГАНИЗАЦИЯЗЫ АПАРАР. ОЛАР ШКОЛАНЫ 2018 ЧЫЛ ТООЗЫЛҒАНҶА ТИМГЕ СЫҒАР САЛАРҒА КИРЕКТЕР. ШКОЛА ПӰДІРИИНЕ 800 МИЛЛИОН АРТИИНАҢ САЛКОВАЙ ХОРАДЫЛАР.
Автор :
Оксана СУНЧУГАШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы