ЧИҢІС КӰНІН ТУРЫСТЫҒ ТАНЫХТИРҒА
15.02.2017
Хабарлар
Хакасияның пазы Виктор Зимин Чиңіс кӱніне тимненісті пастирға чахығ пирген. Илбек Ада чаадағы Чиңістің 72-ҷі чылын пайрамниры республиканың ӧӧн мероприятиелерінің пірсі поларға кирек тіп таныхтаан ол.
- Пістің республикада Чиңіс кӱніне чарыдылған хумартхылас паза пайрамнығ мероприятиелерні иртірері чахсы кибірге айлан парған. Олар Успас от хыринда паза Хакасия столицазының ӧӧн площадьында иртірілчелер. Республиканың чааҷы паза кӱс структуралары пайрамнығ маршнаң иртчеткені, чаа техниказы кӧзідіге сығарылчатханы чахсы. Аның ӱчӱн алынҷа алғыс сӧстері пістің чир-суғҷыбысха, Россияның арачыланыс министрі Сергей Кужугетович Шойгуға, - таныхтаан Виктор Зимин.
- Пістің пӧгінібіс - Илбек Ада чаадағы Чиңістің 72-ҷі чылына чарыдылған пайрамнығ мероприятиелерні иң пӧзік синде иртірібізері. Піс позыбысха кӧстег турғысхабыс - пу танығлығ ӱлӱкӱнні иртірерін тӧреміл пӧзік синде тударға ла нимес, чылдаң чылға аны улам чахсы иртіреріне кӱс саларға. Ол пістің ветераннарыбысты аарлааны ла нимес, ол чииттерні патриотизмге ӱгреткені, тархындағы сынны амғы паза аннаң андархы тӧллерге читірері. Аннаңар прай чарадыға алылған мероприятиелерні иртіреріне улуғ нандырығлығ хайарға сурынчам.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы