ХАКАСИЯДА КӦП ЧИИТ ИМЧІ ТОҒЫНЧА
22.03.2017
Хабарлар
Хакасияның хазых хайраллаҷаң министерствозы 2016 чылда иділген тоғыстың салтарларына чарыдылған коллегия чыылиин иртірген. Мында хазых хайраллаҷаң министр Наталья Коган министерство тоғызының ӧӧн кӧстеглерінеңер, ол санда имҷілер чидіспинчеткенінің сурии хайди пӧгілчеткеннеңер чоохтаан.
- Хакасияның имнег киреенде 1826 имҷі паза 4917 ортын имнег тоғынҷызы істенче. 2016 чылда республиканың имнег тураларынзар І36 имҷі тоғынарға килген. 36 час читкелек чиит специалисттернің саны 13 %-ке ӧс парған.
Республикада халғанҷы туста нинҷе-де улуғ имнег объекті пӱдірілген. Ол санда Г.Я.Ремишевскаяның адынаң имнег туразының хирургия корпузы паза перинатальнай кін. Аннаңар имҷілер чидіспинчеткенінең палғалыстығ сурығны Хакасияның пазы Виктор Зимин хайығда тутча.
- Пу кӧстегҷе тоғыстың чахсы салтарлары пар. Піс имҷі-студенттерні кӧстегліг ӱгредігҷе тимнепчебіс. Ӱгредіглерін тоозып, олар Хакасияның имнег тураларынзар тоғынарға килерлер. Ідӧк республикада чиит специалисттерге полызығ пирҷең программалар тоғынча. Прай сидіксіністерні пір саңай чох ит полбаспыс, че піс чылдаң чылға хазых хайраллирын чахсыландырчабыс, чуртағҷыларға пирілчеткен имнег полызииның синін кӧдірерге сіренчебіс. Олох туста имҷілернің тоғызын нииктендірерге кӱстенчебіс, - таныхтаан Виктор Зимин.
Ирткен чылда удаа тоғаспинчатхан специальностьтығ имҷілернің саны ӧс парған: «анестезиология-реаниматология» специальностьча -11,5 %-ке, «терапияҷа» - 9 %-ке. Пӱӱнгі кӱнде Хакасияда имҷілерні кӧстегліг ӱгредігҷе тимниріне ӧӧн хайығ салылча.
Автор :
Хакасияның хазых хайраллаҷаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы