ЧИР-ЧАЙААННЫ ХАЙРАЛЛААЛАР
12.04.2017
Хабарлар
Россияның Халых палатазы ікінҷі чылы «Чахсы киректернің марафоны» акцияны иртірче. Пӱӱл ол Экология чылына чарыдылған. Тиксі Россияда анда пос кӧңнінең 60 муң артиинаң кізі араласча.
Хакасияның Халых палатазы ідӧк пу акцияа хозылған. Чӧрімнің араласчылары сӧп-сапты чара чыырына улуғ хайығ салчалар, анзы чир-чайаанны хайраллирға полысча.
Республиканың прай даа городтарында пластик, аккумулятор батареяларын, ртутьтығ лампалар чығҷаң орыннар пар. Че оларның саны асхынах, аннаңар чуртағҷыларға сӧп-сапты, чарбин, пір контейнерге тӧгерге килісче. «Чахсы киректернің марафоны» акцияның араласчылары пу сурығны пӧгерге кӱстенчелер. Кӧңнілерің пар полза, акцияның сайтынзар кіріп, пазын салыңар, сірерге экология мероприятиелерінеңер тузында искірерлер.
Автор :
Хакасияның Халых палатазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы