ГРАНТ МАРИИ ЧАРЛАЛЧА
12.04.2017
Хабарлар
РУСАЛ волонтёрлар чӧрімін тилідеріне чарыдылған «Полызарға оой» грант мариина сурыныстарны алып пастабысханнаңар искірче.
Оларны 10 майға теере http://grants.fcsp.ru/ электроннай платформаа ызарға кирек.
Марығда аралазарына сурынысты муниципальнай паза социальнай учреждениелерге, коммерческай нимес организацияларға, ӱгредіг учреждениелеріне паза ӧткін чуртағҷыларның пірігістеріне пирерге чарир. Оларның проекттері РУСАЛ-ның предприятиелері пар регионнарда паза городтарда чуртасха кирілер. Хакасия андар кірібӧкче.
«Полызарға оой» марығда аралазар проекттер полызығ кирексіпчеткен чуртағҷыларнаң тоғынарына, социальнай учреждениелерге паза кӧп палалығ сӧбірелерге полызарына, волонтёрлар чӧрімін тилідеріне кӧстегліг поларға кирек. Марығ салтарлары хоостыра, иң артых проекттерні чуртасха киреріне 50-ер муң салковай пирілер. Марығдаңар http://www.fcsp.ru/ сайтта хоза піліп аларға чарир.
Автор :
Ольга САНАРОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы