ХАКАСИЯНЫҢ ПАЗЫНА АЛҒЫС СӦСТЕРІ ЧИТІРІЛГЕН
18.04.2017
Хабарлар
Хакасияның пазы Виктор Зиминнің адына Ямало-Ненецкай автономнай округтың губернаторы Дмитрий Кобылкиннең телеграмма килген. Пічікте Севернің, Сибирьнің паза Ыраххы Востоктың орындағы ас саннығ чоннарының форумын иртіреріне хабасхан ӱчӱн алғыс сӧстері читірілче.
Чоннар аразындағы форум пӱӱл, март ай тоозылчатханда, Салехард городта ирткен. Аның тоғызында Севернің, Сибирьнің паза Ыраххы Востоктың орындағы ас саннығ чоннарының 500 кізізі, федеральнай министерстволарның, Хазна Думазының, регионнардағы ӱлгӱ органнарының паза наука-істезігліг пірігістернің, Россияның паза чоннар аразындағы орындағы чоннар пірігістерінің кізілері араласханнар.
Хакасиядаң форумға «Шория» Хакас Республиканың халых пірігізінің кнезі Наталья Федотова, пірігістің кізілері Людмила Тимовкина, Вера Орешкова паза орындағы ас саннығ шор чонның «Талай суғ» общиназының кнезі Светлана Чебодаева чӧргеннер.
Форумның араласчылары уғаа кирек сурығларны ӱзӱргеннер: орындағы ас саннығ чоннарның полғаны ла этника саринаң хайдағ чонға чағын полчатханын кӧрері, чир-чайаан ис-пайынаң харығ чох тузаланары, общиналарның тоғызын чахсыландырары, кибірліг хоных тоғыстарының кӧрімнерін алғыдары паза аннаң даа пасха сурығлар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде