ӦРТ СЫҒАРБАС ПРАВИЛОЛАРҶА ТУДЫНЫҢАР
17.05.2017
Хабарлар
Республиканың паза муниципалитеттернің ӱлгӱлері, оперативнай службалар Хакасияда ӧрттер сығарынаң хорғыстарны сыныхтағда тутчалар.
Ирткен неделяда республикада 14 ӧрт ӱзірілген, анда ікі кізі палығлатхан. Ағбан пилтірі аймаанда иң кӧп ӧрт (тӧрт) сыххан. Пӱӱл 290 ӧрт (2016 чылда - 277) ӱзірілген.
Хакасияның чир-чайаан ис-пайы паза экология министерствозының искіриинең, пӱӱл арығларда сыххан 12 ӧрт ӱзірілген, ӧртке 137,5 гектар арығ хабылған. 15 майда Таштып аймаандағы арығда ӧрт сыххан. Анда 18 гектар арығ кӧйген. Ол ӧртті ӱзірерінде 18 кізі паза 4 техника араласхан.
Хакасияда ӧрттердең тоғыр режим тоғынча, азых от тамызарға, арығларзар чӧрерге
чарадылбинча, - чоохтаан Хакасияның ГО, ЧС паза ПБ управлениезінің пастығы Николай Старков.
Орттер сығарбас пӧгіннең республикада рейдтер иртірілче, чоннаң чарыдығлығ тоғыс апарылча. Республиканың ӧрттердең тоғыр службазы, пӱӱл 20 муң азыра чуртча иблеп чӧріп, чуртағҷыларнаң чоохтазығлар апарған, 82 муң листовка тарадылған.
Хайди специалисттер сизіндірчелер, ибде пестернең, электрооборудованиенең тузаланчатса, сизіктіг поларға кирек, электропроводканы тузында тыхтапчадарға. Дачада, ибде дее огнетушительлер, ӧрт ӱзірҷең пасха даа тиріглер пар поларға кирек.
Орт сыхса, «101» номерҷе сығдырадыңар, арығдағы ӧрттеңер 8-800-100-94-00 «ізіг линия» телефонынҷа искіріңер.
Автор :
Хакасияның ГО, ЧС паза ПБ управлениезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы