ИҢ АРТЫХ ТОҒЫСТАР ТАЛЛАЛАР
23.05.2017
Хабарлар
Хакасия правительствозының 11 майда 2017 чылда алылған 62-п № чарадии хоостыра республикада пастағызын на тиксі Россиядағы «Иң артых муниципальнай тоғыс» марығның региондағы чардығы иртірілче. Марығда орындағы пос устаныс органнарының муниципальнай устағ апарарынҷа паза орындағы сурығларны пӧгерінҷе тоғыстары паалалар. Таллалған иң артых тоғыстар тиксі Россиядағы марығның федеральнай чардығында аралазарлар.
Марығ ӱс номинацияҷа иртірілче:
- «пӱдіріг политиказы, чонға чуртаҷаң чахсы оңдайлар пирері паза чурт-коммунальнай хоныхты тилідері» (аны Хакасияның пӱдіріг паза ЖКХ министерствозы иртірче, прай сурығларҷа пу телефоннарҷа айланарға: 22-85-70 - Евгений Басков, коммунальнай инфраструктура пӧлиинің пастығы паза 22-76-36 - Алексей Филюшин, пӱдіріг пӧлиинің пастығы);
- «муниципалитеттің экономика политиказы паза муниципальнай ахчанаң устиры» (Хакасияның экономика министерствозы финанстар министерствозынаң хада иртірчелер, сурығларҷа экономика министерствозының пу телефонынҷа айланарға: 299-273 - Юлия Нетёсова,
советник);
- «муниципальнай пӱдістердегі чуртағҷыларнаң тӱзімніг палғалыс тудылчатханы, муниципалитетте халых чонның пос устанызын тилідері паза чуртағҷыларны орындағы пос устаныстың тоғызында аралазарға пасха даа оңдайларнаң тартары» (Хакасияның национальнай паза территориальнай политика министерствозы, Россияның юстиция министерствозының Хакасияҷа управлениезінең чӧптезіп, иртірче, прай сурығларҷа пу телефоннарҷа айланарға: 239-002 - Александр Челтыгмашев, министрнің орынҷызы, 239-001 - Ольга Тиде, ӧӧн консультант).
Марығда Хакасияның город округтарының, посёлоктарның паза аалларның орындағы администрациялары аралас поларлар. Олар марығ араласчыларының мындағ категорияларынҷа чарылчалар:
I категория - город округтары паза посёлоктар;
II категория - ааллар.
Полған на араласчаа марығның прай номинацияларында аралазарға чарадылча.
Марығда аралазарға киректелчеткен материалларны полған на номинацияҷа марығны иртірчеткен органзар пӱӱл 31 майға теере пирібізерге кирек.
Марығда аралазар оңдайлардаңар піліп аларға чарир Хакасия правительствозының официальнай порталында (www.r-19.ru) «Халыхтар» - «Орындағы пос устаныс» - «Марығлар» - «Иң артых муниципальнай тоғыс» Тиксі Россиядағы марығ» чардыхта, ідӧк марығны иртірчеткен органнарның сайттарында.
Автор :
Хакасияның национальнай паза территориальнай политика министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы