ЧОННАР ЫНАРХАЗЫНА ЧАРЫДЫЛЧАТХАН ЧӦРІМ ПОЛАР
23.05.2017
Хабарлар
Хакасияның национальнай паза территориальнай политика министрінің тоғызын толдырчатхан Дмитрий Тодышев республикадағы чоннарның диаспоралары паза этнокультура пірігістері кізілерінең чыылығ иртірген.
Дмитрий Александрович национальнай халых организацияларын паза диаспораларны тиксі Россияда иртірілчеткен «Россия чоннарының ынархас парады» чӧрімде аралазарға хығырған. Пу чӧрім пӱӱл 12 июньда, Россия кунінде, иртер. Мероприятиенің пӧгіні - нациялар аразында чахсы хайызығлар поларына, патриотизма тӧстиріне хабазары, пістің хазнадағы чоннарның пірге тудынчатханын кӧзідері.
Мындағ чӧрімде Россияның городтарында аймах-пасха нациялар, аралазып, орамаларҷа иртчелер. Акция иң пастап 2014 чылда Киров облазында ирткен. Анаң 2016 чылда пу акцияда 11 регион араласхан. Пӱӱл анда 30 азыра регионның чуртағҷылары аралазарлар. Ідӧк ол Хакасияда полар. Ағбанда 12 июньда национальнай кип-азахтығ аймах-пасха чон, орамаларҷа иртіп, Пастағы май площадьынзар чыылызар.
Чыылығда ідӧк экстремизмге тоғырланар сурығлар ӱзӱрілген. Национальнай пірігістернің кізілеріне ол сурығларҷа тимнелген листовкалар пирілген. Паза пу тоғазығда республикадағы хазнани нимес коммерческай нимес организацияларға иртірілчеткен гранттар мариинаңар искірілген. Марығ ікі кӧстегҷе апарылча: нациялар, этностар паза конфессиялар аразындағы хайызығларны тыыдары, халых пос устаныстарының тилізі.
Автор :
Хакасияның национальнай паза территориальнай политика министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы