22 ИЮНЬДА - ХУМАРТХЫЛАС ПАЗА ЧОБАҒ КӰНӀ
21.06.2017
Хабарлар
Аарлығ чир-суғҷылар!
22 июньда - Россияда Хумартхылас паза чобағ кӱні. Азымахчы ыырҷыны удурлап, чат халғаннарны, хан тӧгілістіг чаадаң айланмааннарны хумартхылапчатхан Успас от алнында пазыбыс тӧбін тӱзірчебіс. Уғаа аар паанаң піс чиңіс тутхабыс. Паба-ағаларын, харындас-пиҷелерін, оол-хыстарын чідірбеен пір сӧбіре дее чоғыл. Аннаңар тӧлдең тӧлге пирілчеткен иң аарлығ ниме - ол постарының киректерінең, махачызынаң Ада чир-суубыстың сабланызын кӧп хати хосхан кізілердеңер хумартхылас.
Чыллар иртчелер. Чаада полған киректер тархында хала парар - ол хорғыстығ чааны кӧрген кізілер асхынах ла халып одырчалар. Піснең хада чуртапчатхан, республиканың чуртазында ам даа ӧткін араласчатхан ветераннар піске улам аарлығ.
Ол чааның прай араласчылары алнында оларның матыры паза махачызы ӱчӱн пазыбыс тӧбін тӱзірчебіс. Оларның сылтаанда пістің ам чуртир, хынар, тоғынар оңдайларыбыс пар.
Чир-суубыс ӱчӱн чаада чат халғаннарға хумартхылас хаҷанға даа! Піске амыр, пос чуртас сыйлап пиргеннерге сабланыс хаҷанға даа!
Автор :
В.М.ЗИМИН, Хакасияның пазы -Хакасияның Правительство кнезі В.Н.ШТЫГАШЕВ, Хакасияның Ӧӧркі Чӧп кнезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы