ЧОН-ЧАХСЫЗЫ ЧЫЫЛЫЗАР, ТАХПАХЧЫЛАР СӦС ПЫЛАЗАРЛАР
21.06.2017
Хабарлар
Асхыс аймаандағы Кызлас аалда 24 июньда 13.00 часта «Айтыс-2017» тахпахчыларның марии иртер. Пӱӱл ол хакас чонның пастағы съезді иртірілгеннең пеер 100 чылына чарыдылча. Марығның ӧӧн пӧгіні - хакас чонның кибір-чозахтарын хайраллиры.
Чайаачы марығ республика синінде иртірілче, анда Ағбан паза Харатас городтарның, Алтай, Асхыс, Пии, Боград, Таштып паза Шира аймахтарының тахпахчылары устарынаң сыназарлар. Тиксі алза, 30 артиинаң кізі. Ідӧк марығда 20 артиинаң олған аралазар. Марығласчатханнар чайаачы устарын ӱс номинацияда кӧзідерлер: «Чон тахпаан толдырғаны» (олғаннар паза улуғлар), «Сӧс пыласханы» (улуғлар) паза «Иң артых изеннескені» (городтарның паза аймахтарның делегациялары).
«Айтыс» тузында ідӧк «Пос кӧӧн салғаны» номинация иртер. Анда республиканың иң артых тахпахчылары сыназарлар. Чиңіс тутхан чайаачы усха диплом паза ахчалығ сыйых читірілер. Мероприятиені С.П.Кадышевтің адынаң культура кіні Хакасияның культура министерствозы полызиинаң иртірче. Сурығларнаң (3902) 2405-66 телефонҷа айланарға чарир.
Автор :
С.П.Кадышевтің адынаң культура кіні
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы