БЮДЖЕТ ПАРЫСТЫҒ ПОЛЗЫН
23.06.2017
Хабарлар
Пу чағында Хакасияның правительствозы республика бюджедін ікі миллиард салковайға ӧскірібізерге пӧгін тутча.
Аннаңар искірген Хакасия пазының пастағы орынҷызының тоғызын толдырчатхан Олег Нам. Республика бюджедіне ахча хозар ӱчӱн, тоғыс аймах кӧстеглерҷе апарылча. Хакасияның правительствозы таарлағларның синін паза чир-чайаанның ис-пайы анылғанын тӧреміл хайығда тутча. Ідӧк идінҷектернің налог тӧлепчеткені санға алылча.
Ідӧк аймах предприятиелерде істенчеткен тоғынҷыларның чал ахчазы сині хайығда. Полған на тоғынҷының пір салковайының 13 ахчазы хазнаа пирілче. Че ол хорадығ синін хызырар ӱчӱн, юридическай лицолар кӧйтік оңдайлар таапчалар.
- Налог тӧлебес ӱчӱн, предприятиелер тоғынҷыларға чал ахчазын «конвертте» тӧлепчелер, алай ба чӧптезіг хоостыра пасха фирмаларны алчалар. Мындағ кӱҷӱрлестер полбас ӱчӱн, налог тӧлирге хынминчатхан организацияларның тоғыс оңдайларын тирең істезерге кирек полча, - таныхтаан Олег Нам.
Олег Валерьевичтің чооғынаң, пылтыр республика ӱлгӱзі 15 муң азыра чуртағҷының парызын ілезіне сығарған. 2017 чыл пасталғаннаң ӱлгӱдегілер «конвертте» тӧлепчеткен организацияларнаң харбазығ апарғаннар. Іди наа чыл пасталғаннаң июньға теере республика бюджедіне 50 миллион салковай кірген.
Налогтардаң пасха, Хакасияның правительствозы республика бюджедіне ахча хозарынҷа пасха даа тоғыс апарча.
Автор :
Хакасияның финанстар министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде