ПАЛАЛАРНЫ ХАЙЫҒ ЧОХ АРТЫСПАҢАР
02.08.2017
Хабарлар
Суға сомар тус изере Россия МЧС-ы пасха кӱс структураларынаң паза ӱлгӱ органнарынаң хада суғда хорғыс полбас ӱчӱн улуғ тоғыс апарча. Че іди дее полза, кӧп чуртағҷы хорғыс правилоларына тудынминча. Іди олар постың паза палаларының чуртастарына хорғыс ағылчалар.
Улуғларының хайии чох халған олғаннар суғда саайланчалар. Суғдағы саайларның ӧӧн сылтаа - чазы читкелектер кӧп кізі тынанчатхан орыннарда суға сомчатханы.
Суғ тӱбінде кӧп сӧп-сап чыыл парчатханы, суғның чылии кинетін алысчатханы паза суғ табырах ахчатханы кічіг палаларға улуғ хорғыс ағылча. МЧС, МВД паза орыннардағы ӱлгӱ тоғынӌылары, олғаннар суғда саайланмазыннар тіп, профилактика тоғызын пірге апарчалар. Рейдтер тузында кӧп кізі тынанчатхан орыннарда олғаннар іӌе-пабалары чох полчатханы ілезіне сығысча. Специалисттер сизіндірчелер, андағ кирек хоостыра паба-іӌелер административнай нандырыға тартыларлар.
Аннаң пасха социальнай хабазығ пирчеткен органнарның тоғынӌылары уйан чуртапчатхан сӧбірелернең суғда хорғыс чох тудынардаңар чарыдығлығ чоохтазығлар иртірчелер.
Хакасияӌа МЧС тоғынӌылары сизіндірчелер, паба-іӌелер папалары ӱчӱн нандырчалар. Чазы читкелектерні суғ хазында хайығ чох артыспаңар, оларға суғда посты орта тудынардаңар правилоларны чоохтап пиріңер.
Автор :
"Хабар"МЧС-тың Хакасияӌа ГУ-зы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы