КӦНІ ПАЛҒАЛЫС - ӰЛГЕЕ ДЕЕ, ЧОНҒА ДАА ТУЗАЛЫҒ ОҢДАЙ
08.08.2017
Хабарлар
Республиканың халых деятельлері Виктор Зиминнең хада ирткен кӧні палғалысха ӱндезерін узаратчалар, сағыс-кӧрістерінең ӱлесчелер.
Хакас Республиканың чаа, істеніс, Тирігліг кӱстер паза право хайраллаҷаң органнар ветераннары (пенсионерлері) чӧбінің кнезі Галина ТРОШКИНА:
- Хакасияның пазы Виктор Зимин иртірген кӧні палғалысты ситкіп кӧргем, аннаңар сағыс-корізім читір пирерге сағынчам. Чоннаң хада мындағ азых оңдайнаң чоохтазарға махачы, пӧгістіг паза турыстығ тоғынчатхан устағҷы ла тідінче. Ол пір дее пиар нимес. Кізілер хайди чуртапчатханынаңар, хайдағ сидіксіністері пар полчатханынаңар олардаң истіп алары постың тоғызын, пос командазының тоғызын паалирға паза тӱзедерге, хоза программалар тимнирге паза Ооркі ӱлгӱ синінде пос регионының кирексіністері ӱчӱн турызарға оңдай пирер нооза.
Хакас Республиканың ветераннары пістің республика пазы Виктор Михайлович мындағ оңдайнаң тоғыс апар сыхханын чахсы паалапчалар. Паза ізенчелер, ол пір хати иртчеткен акция нимес, ол тоғыс - постың чонын истерге паза пілерге - тореміл апарыл турар.
Н.Ф.Катановтың адынаң ХГУ-ның ректоры Татьяна КРАСНОВА:
- Хакасия пазының коні палғалызы - Ӧӧркі толдырығлығ ӱлгӱнің республика чуртағҷыларынаң чоох алысчаң кирек паза тузалығ оңдайы. Ӱлгее анзы кізілернің кӧңнін, пыс парған сидік сурығларны піліп аларынаң паза оларның хоостыра пӧгіннер турғызарынаң тузалығ. Кодірілген прай даа сидік сурығлардаңар регион устағҷызы даа, аның командазы даа пілче поларлар. Че пасха кирек, хаҷан ахчанаң сидік оңдайларда иң не чуға орыннарны ілезіне сығарары паза олар тилісті тохтатпазына прай кӱс салары.
Чуртағҷыларға кӧні палғалыс тузалығ, кӧбізі турчатхан сурығларға нандырығларны піліп алған, кӧріп алған - Виктор Михайлович паза аның командазы олардаңар пілче паза хайығда тутча. Пірееде сидіксініс пӧгілерін сағып таа аларға чарир, че кізілер пілерге хынчалар - правительство аннаңар пілчеткенін паза аннаң айғазарын.
Кӧні палғалыс хынығ паза тузалығ полған Хакас хазна университедіне дее. Піске тузалығ полған истерге вуз тимнепчеткен кадрлар республикада кирек поларынаңар. Кӧзідімге, имҷілер, кемнердеңер чоох парған коні палғалыс тузында. ХГУ-ның специалисттерні кӧстегліг оңдайнаң тимнирінҷе республика правительствозынаң пірге тоғынарында чахсы опыды пар. Ол программа сылтаанда чиит кадрлар имнег тураларында, иң не ӧӧні аалларда, халчалар. Пӱӱлгі чылда піс 23 кізіні имҷі-специалистке кӧстегліг оңдайнаң ӱгредеріне алып алғабыс. Ізенчем, олар прайзы айланарлар аймахтарның имнег тураларынзар, хайзылары Хакасияның хазых хайраллаҷаң министерствозынаң хада оларны ӱгренерге ысханнар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде