ТУРАЛАРНЫ ПОСХА ПАСТЫРАРҒА КИРЕК
09.08.2017
Хабарлар
Ӧртке кірген кізілер оларға пӱдірілген тураларны, холға кирер ӱчӱн, постарына пастырарға киректер. Андағ сизіндіріг пирче Россияның сыныхтағ паза сананыс палатазы. Аннаңар искірген 2 августта Хакасия пазының орынҷызының тоғызын толдырчатхан Олег Нам. Тоғыс чыылиинда Хакасия пазы Виктор Зимин паза Шира, Пии, Орджоникидзе аймааның кізілері паза ведомстволар устағҷылары араласханнар.
Хайди таныхтаан Олег Нам, ӧрттер полып, хыйалға юрген кізілерге ӱр нимес тус аразына 1200 тура пӱдірілген. Че хай пірее кізілер тураларын ам даа постарына пастырбааннар. Олар ахчалығ хабазығ пирген федеральнай кіннің кирексінізін толдырбинчалар паза орындағы бюджетке налогтар тӧлебинчелер.
Хакасияның ис-пайы паза чир хайызығлары министрі Елена Соломонованың чооғынаң, хай пірее кізілер, улуғ арах чурт алып алар ӱчӱн, туған-чағыннарын пас салғаннар, че тура алып алғаннарында, чуртнаң ӱлезерге хынминчалар.
Чыылығда полған на адрес хоостыра ӱзӱріг полған. Сӧбірелернің аймах-пасха сылтағлар табылча. Кӧзідімге, Пии аймааның Новокурск аалның чуртағҷызы, хазинезінең паза аның ирінең чуртты ӱлеспес ӱчӱн, тураны позына пастырбинча. Пір сӧбіреде пабазы оолғынаң, чирні ӱлестір полбин, піліс полбинчалар.
- Тибіреділбинчеткен пір дее объект пастырылбин халбасха кирек Чуртха страховка итіріп ле, аны сағыбаан саайлардаң арачылап аларға чарир. Че анзына чуртха прай пічіктер иптіг поларға киректер, - таныхтаан Олег Нам.
Автор :
Елена КУМИНОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы