ХАКАСИЯНЫҢ ЧИИТТЕР КӰНІ ТАНЫХТАЛАР
18.08.2017
Хабарлар
Пу кӱннерде республиканың правительство туразында Хакасия пазының орынҷызы Владимир Крафттың устаанынаң Хакасиядағы чииттернің кӱнін иртірер оргкомитеттің чыылии ирткен.
Пу пайрам азых тигір алтында «В Белом» теелбек фестивальы оңдайынаң иртер. Ӱлӱкӱн Ағбан городтың Пастағы май ачығында пӱӱл 2 сентябрьда 20.00 час тузында пасталар. Чоохтирға кирек, Хакасия пазы Виктор Зиминнің чӧбі хоостыра 2017 чыл республикада Чииттер чылы тіп чарлалған. Алында чииттер пірігістерінің устағҷылары андағ сурыныснаң регионның пазынзар айланған полғаннар.
Чииттер фестивальында аймах марығлар полар паза сыйыхтар пирілер. Иир тооза теелбек саларлар, интерактивнай ачыхтар, фуд-корт паза фотозоналар тоғынарлар, ідӧк чаҷыннардаң чайаан ниме-ноолар кӧзідии иртер. Чон алнына ойыннарнаң сығарлар Хакасияның чайаачы коллективтері паза артисттері, ідӧк DJ Silver, DJ Alex Lorensso, DJ Dobrynin хедлайнерлер поларлар. Фестивальның ӧӧн тании - араласчыларға ах ӧңніг кип-азахтығ килерге чӧп пирчелер.
Хакасияның чииттер политиказынҷа департаментінің устағҷызы Ирина Церковнаяның чооғынаң, чииттер фестивальы ах ӧң хоостыра иртер. Ах ӧң паарсасты, ах сағысты, арығны, амыр хоныхты, ӧріністі таныхтапча. Ах ӧң кізіні амыратча, ӧріндірче. Пу оңдайнаң чыл сай республикада Чииттер кӱнін ах ӧңніг кип-азахтығ таныхтирға пӧгін пар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде