ХАКАС ТЕЛЕВИДЕНИЕЗІН КӦРЧЕБІС
26.09.2017
Хабарлар
Пістің редакциязар Асхыс аймаандағы Кызлас аалдаң Мария Кадановна Челтыгмашева, ӧрінізінең ӱлезіп, сығдыратхан. 75 частығ ууҷаны Кызлас аалда цифровой телевидение тоғын сыхханы ӧріндірген.
- Амды Хакасияның телевидениезін, хакас тілінең парчатхан передачаларны кӧрчебіс, хабарларны исчебіс. Аның ӱчӱн «Хабар» газета пастыра алғызым читірерге сағынчам ол тоғысты иткеннерге, Хакасияның пазы Виктор Зиминге, республика ӱлгӱлеріне, - телефонҷа алғызын читірген Мария Кадановна.
Аның чооғынаң, оларның тоң хакас аал, че хакас телевидениезін олар кӧр полбаҷаңнар. Мының алнында хакас тілі радио пастыра истілҷең, че анаң радио чох иділген тіп чоохтаан ол. Амды, цифровой кӧзідігліг телеканаллар тоғын сыхханда, аалдағылар хакас телевиденизін хынып кӧрчелер. Мария Кадановнаны Турциядаң килген Шима Доған хыстаңар хакас передачазы тың чапсыттыр.
- Хайдағ-да ыраххы чирдең килген хыс ӱр нимес ле тус аразына хакас тілін піди чахсы ӱгреніп алған, матлама чоохтанча. Пістің хакастарыбыс, тізең, палаларын даа пос тіліне ӱгрет полбинчалар, - чапсыпча ууҷа.
Мария Кадановна ідӧк, хакас газетазы тіл хайраллирына улуғ хозым итчеткенін таныхтап, «Хабар» газета редакциязының тоғынҷыларына тӱзімніг тоғыс алғаан.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы