ХАКАСИЯ БЮДЖЕТ КРЕДИДІН АЛАР РЕГИОННАР САНЫНДА
03.11.2017
Хабарлар
Россия президентi Владимир Путин правительство кізілерінең хада чыылығ иртірген. Кӧрілген сурығлар аразында регионнарның коммерческай банктарға алымнарын хызырары полған. Пу чыл тоозылғанҷа Россия субъекттерінің чыыл парған бюджет кредиттеріне реструктуризация итчең программаны тоғындырары кӧрілче. Салтарында регионнар ӱлгӱлері пос пол парған ахчаны экономиканы, социальнай сфераны тилідеріне, чуртас синін, чуртағҷыларның парыстарын ӧскіреріне позыт поларлар.
- Мындағ алымнығ регионнар тиліс пӧгіннерін тӱзімніг пӧк полбастар, чуртағҷыларына турыстығ чуртир оңдайлар пирілбес. Сағынчам, піске прай федерация субъекттерінің коммерческай алымнар синін хызырарға полыс пирерге кирек, аның сині регионның пос парыстарының чарымынаң артых полбазын, - таныхтаан чыылығда Россия президенті Владимир Путин.
Регионнар, хайзыларында коммерческай алымнар пу чылның 1 октябрьына пос парыстарының 50 %-ін ас парыбысхан, федеральнай бюджеттең ол алымның чардығын чабарына кӧстегліг кредит алып аларлар. Ол чахығны толдырарына 60 миллиардча салковай киректелер.
Хакасияның пазы Виктор Зимин федеральнай кіннең республикаа хоза ахчалығ полызығ пирілчеткені хоостыра сағыс-кӧрізінең ӱлескен:
- Хакасия сынап хоза полызығны кирексіпче, паза ӧӧні - ол полызығ региона пиріл сыххан. Амғы тусха Хакасияа бюджет кредиді оңдайынаң 6 миллиард салковай пирілген. Ол регионнарға ӱлестірілген ахчалығ полызығның иң улуғ сині. Алғыс хазна устағҷызы Владимир Владимирович Путинге паза Россия правительствозына, тузында паза сын хабазығ пиргеннері ӱчӱн. Ол хаалағ Хакасияа улам тӱзімніг тилирге паза анзына пос пол парған ахчаны позыдарға оңдай пирер. Ол ахчалығ полызығ иң пастап регионның производствозына, кічіг бизнезіне хабазарына паза социальнай кирексіністерге парар, - таныхтаан Виктор Зимин.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы