ИМҶӀЛЕРНІҢ СУРЫҒЛАРЫНА НАНДЫРЧА
03.11.2017
Хабарлар
Хакасияның хазых хайраллаҷаң министрі Владимир Костюш 31 октябрьда региондағы имнег киреенде тоғынчатханнарнаң кӧні палғалыс тутхан.
Пастағы палғалыс пӱӱл июльда ирткен. Андада республиканың 23 организациязы министрзер 75 сурығнаң айланған. Имҷілернің сурығлары аймах-пасха темаларға чарыдылғаннар: чал ахчазына паза социальнай полызығларға, имнег оборудованиезін аларына, табырах имнег полызии автомобильлерін паза санитарнай транспортты аларына, имнег тураларында киректелчеткен тыхтағ тоғыстарына паза наа пӱдіріглерге.
Ікінҷі кӧні палғалысха имнег киреенде тоғынчатханнар сурығларын пір ай аразына министерствоның электроннай адрезіне ысханнар. Хакасияның имҷілері 20 сурығ пиргеннер. Сурығлар амбулатория тоғынҷыларына, тоғыстаң чурт пирілеріне, санитарнай транспортты нааҷылирына, наа оборудование аларына паза чал ахчазына теелчелер.
- Хайди піс чӧптескебіс, кварталда пір хатап, кӧні палғалыс тузында, ағырсымнығ сурығларны ӱзӱрербіс. Айда пір кӱн республика чуртағҷыларынаң паза имнег киреенде тоғынчатханнарнаң хазых хайраллаҷаң министерствода тоғазығ иртірчебіс. Айланған кізілернің сурығларының кӧбізі кӧні палғалыста ӱзӱрілче. Аннаңар чуртағҷылар, тус чідірбин, кӧні палғалыста сурығларны пӧгі бізер оңдайлығлар. Сурығлар аймах-пасха темаларға теелчелер. Аннаңар пӱӱнгі палғалыста министерствоның прай администрациязы чыылған. Полған на сурыға специалист чарыда нандырығ пирер, - таныхтаан республиканың хазых хайраллаҷаң министрі Владимир Костюш.
Хаҷан тоғынҷылар ниме хайди иділчеткенін пілчетсе, олар удур-тӧдір чахсы пілізісчелер. Андада имҷілернің тоғызына даа пір дее ниме харығ полбинча.
Автор :
Наталья ТЮКПЕЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы