ЮНАРМЕЕЦТЕР - ЧАА-ПАТРИОТ ӰГРЕДІГЛЕРІНДЕ
10.11.2017
Хабарлар
Хакасияның 100 юнармееці чаа-патриот ӱгредіглерінде араласхан. 01662 чааҷылар частьының плацында «Юнармия» тиксі Россиядағы халых чӧрімінің Хакасиядағы региональнай штабының чаа-патриот ӱгредіглері чабылған.
Олғаннар, ӱс кӱн чааҷылар частьының казармаларында чуртап, полдаң 3950 хати ідінгеннер, турникте 5000 хати тартынғаннар. Юнармеецтер аймах чолларҷа 200 километр ирткеннер, чааҷыларның ікі частьында полғаннар, чаалазығлар араласчыларынаң танысханнар.
Чииттерні тимненіс ӱгредіглері тоозылғанынаң алғыстаан 01662 чааҷылар частьы командирінің орынҷызы подполковник Иван Луценко. Олғаннарға ол наа чидіглер алғаан, армияда полған кӱннерні ундутпасха сурынған.
- Ізенчем, юнармеецтернің ӱгредіглері сірерге улуғ ӧрініс ағылды. Паза андағ кӧңніліг сірер иблеріңзер парып, юнармеецтернің сағыстарын нанҷыларың аразында тарадарзар. Ідӧк сірернің кӧбізін чааҷылар аразында кӧреріме ізенчем, - таныхтаан Иван Луценко.
Юнармеецтер тимненіс ӱгредіглерін иртірген ӱчӱн алғыс сӧстерін читіргеннер. Оларға Чир-суубыстың арачылағҷызы поларға оңдай пирілген.
- Пу кӱннерде «Юнармия ның» худы піске саңай сиип парған, піс аны прай чӱреебіснең алынғабыс. Мындағ мероприятиеде аралазар оңдай пирген ӱчӱн улуғ алғыс аны тимнееннерге,- сағызынаң ӱлескен ӱгредіглер араласчызы Ян Яворский.
Чаа-спорт марығларының салтарларынҷа Хакасияның ӱгредіг паза наука министерствозының кізілері чааҷылар комиссариадынаң хада иң чахсы юнармеецтерге сыйыхтар читіргеннер.
Автор :
Хакасияның чииттер киректерінҷе хазна комитеді
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы