ЧИИТТЕРГЕ ПАЗА КӦП ПАЛАЛЫҒ CӦБІРЕЛЕРГЕ - ЧИР ТИККЕ
14.11.2017
Хабарлар
Хакасияның ис-пай паза чир хайызығларынҷа министерствозында чиит специалисттерге, сӧбірелерге паза кӧп палалығ сӧбірелерге тикке чир участоктарын пирерінҷе чыылығ ирткен, хайда ідӧк город-аймахтарның муниципальнай ис-пайнаң устирынҷа комитеттер устағҷылары араласханнар.
Республика чарадии тоғынып пастаанынаң льготалығ чуртағҷыларға 9,5 муң чир участогы пиріл парған. Пӱӱл пір муңҷа чир участогы кӧп палалығ сӧбірелерге кӧріл парған, 2500 чир - чиит специалисттерге, ол санда 1200 чир участогы ээлеріне читірілген.
Иң кӧп чир участогы Харатасха, Алтай паза Ағбан пилтірі аймахтарына пиріл парған. Иң кӧп чир участогы - 2370 - Солнечнай аалда тимнелген.
- Пу аалда пір муң чарым чир участогы ағбандағыларға пирілген. Халған 400 чир участогын Харатас город чуртағҷыларына сӧлеп пастирбыс, - чарытхан Ағбан пилтірі аймаа устағ-пастааның ис-пай хайызығларынҷа устаныс пастығының тоғызын толдырчатхан Наталья Макшина.
Ол ідӧк килчеткен чылда Тазоба пилтірі, Зеленай паза Тазоба хыринда 550 чир участогы тӧстелерінеңер искірген.
Чыылығда ідӧк сидік сурығлар кӧдірілгеннер. Кӧзідім-ге, чир участогын пирердеңер пічіктерні тимнепчетсе, чуртағҷыларның чир участогы пары ілезіне сығыс килче. Чирі пар чуртағҷыларның тикке чирні алар праволары чоғыл.
Халғанҷы ӱс чылда Хакасия пазы Виктор Зиминнің пастааннаң муниципальнай пӱдістерге чир участоктарын тимнирінҷе улуғ хабазығ пирілче: межевание иртіреріне, хырығларны кӧзідерінҷе, участокка пічіктерні тимнирінҷе тоғыстарны толдырарына субсидиялар пирілген.
Автор :
Елена КУМИНОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы