ӦЛЕҢ ЧАЗЫДА НАА ШКОЛА ПӰДІРІЛ ПАРИР
13.12.2017
Хабарлар
Таштып аймаандағы Ӧлең чазы аалда 70 орынға школа пӱдіріл парир. Наа школада амғы оборудование турғызылар. Проект хоостыра спорт залы, ағылах класстар паза столовай кӧріл парған.
Пӱӱнгі кӱнде аалда 40-ча ӱгренҷі саналча, че пеер ідӧк школаа парарға тимненчеткен олғаннар чӧр турар. Школа пӱдіриине паза оборудование турғызарына 79 миллион салковай кӧріл парған.
Хакасия пазы Виктор Зиминнің чахиинаң школа 25 декабрьда пайрамни азыларына тимде поларға кирек.
- Ахчанаң сидік тее полза, піс мындағ проекттерні чуртасха кирерінең тоғыр полбаспыс. Школа полза, кічіг аалның таңдағызы полар. Минің кӧрізімнең, ол ӱзӱріг киректебинчеткен, чалғыс орта чарадығ, - аалдағыларға чарлаан Виктор Зимин.
Школа уғаа хысха тусха пӱдірілгеннеңер искіргеннер республиканың ӱгредіг паза наука министерствозында, тоғыстар пӱӱл 10 июльда пасталғаннар.
- Мин пілчем, ол - Хакасияның иң артых школаларының пірсі. Мында хазии уйан олғаннарны ӱгредеріне уғаа чахсы оңдайлар тӧстелген: электроподъемниктер, кинек олғаннарға тасхын чӧрҷең орыннарда оборудование турғызылған - пу тӧстелген оңдайларның асхынах чардығы, - чарытхан республиканың ӱгредіг паза наука министрі Лариса Гимазутина.
Таныхтирға кирек, Хакасияда школаларның 70% аалларда орныхча, аннаңар аалдағы школаларға алынҷа хайығ салылча. тиксі ӱгредіг системазын нааҷылиры хоостыра, ӱгренҷі хайда даа чуртапчатса, ағаа чахсы ӱгредіг пирерінҷе, ідӧк ааллардағы школаларзар чиит специалисттерні тартарынҷа, оларны анда халарға кӧӧктірерінҷе сурығлар пӧгілче.
Автор :
Хакасияның ӱгредіг паза наука министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде