ХАРА ТАС - ТИККЕ
31.01.2018
Хабарлар
«Разрез Майрыхский» хара тас компаниязы Хакасияның социальнай пӱдіріглерінзер хара тас читірген.
Республика правительствозыньң паза аймахтар пастарының сурынызы хоостыра «Разрез Майрыхский» Пии аймаандағы Новоенисейка аал чӧбіне 150 тонна хара тас тикке паза Алтай аймаандағы тӧрт аалға 400 тонна хара тасты ахчаны соонаң тӧлир оңдайлығ пирген. Пу чағында хара тасты котельнайларзар читірерлер. Аннаң пасха, «Разрез Майрыхский» социальнай паза экономика чуртазында хада-пірге тоғынардаңар чӧптезіг хоостыра пу хысхызына Алтай, Пии паза Асхыс аймахтарына 1000-а чағын тонна хара таснаң полысхан.
Республика правительствозы паза «Коулстар» ООО, хайзының холында тоғынча «Разрез Майрыхский», хада-пірге тоғынардаңар чӧптезігде 2017 чыл тоозылчатханда хол салғаннар Хакасия пазы Виктор Зимин паза холдингтің директорлар чӧбінің кнезі Эдуард Худайнатов.
- Партнер чӧптезиин чуртасха кирерінҷе ӧткін тудынчатханнары ӱчӱн разрез паза холдинг устағ-пастаана алғызым читірчем. Школаларға паза олған садтарына хара тас читірері - предприятиенің чон кирексіністеріне нандырығлығ хайчатханын киречілепче, - таныхтаан Виктор Зимин.
Хоза таныхтирға кирек, «УК «Разрез Майрыхский» ООО - Пиидегі хара тастығ орынның иң чиит паза чахсы тиліҷең оңдайлығ участогы. 2015 чылда разрезте чир тоғыстары пасталыбысхан, 2017 чылның майында пастағы миллион тонна хара тас анылған. Ирткен чылда предприятие «Коул-стар» холдингке піріктірілген, хайзы хара тасты пайыдарынаң паза аның опт садиинаң айғасча.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы