ЧИР-СУУБЫСТЫҢ ІЗЕСТІГ АРАЧЫЛАНЫЗЫ
06.03.2018
Хабарлар
Айланысха ӱндезіг. Хакасия пазы Виктор Зимин Россия президентінің Федеральнай чыылиинзар полған на чылдағы Айланызы салтарларын чарытхан.
- Россия президенті чуртағҷылар турыстыра чуртир паза істенер оңдайларны тӧстирі паза тилідері, чирібіске хорғыс чох полары пістің хазнаа ӧӧн кӧстег полған паза полар тіп уғаа кирек паза кӱстіг сағба пирді.
Кӱн суриинда турчатхан кӧп сурығларны пӧгеріне алынҷа хайығ айландырылған, иң пурун чуртағҷыларның чахсы паза пай чуртирынаң палғалыстығ. Пастағларның кӧбізі чағынғы чылларда хазнаның кӱстіг хабазиин алары уламох танығлығ полча.
Кӧзідімге, чоох парча яслялар пӱдірерінҷе, поликлиникаларны нааҷылирынҷа программалардаңар, онкология ағырығларынаң кӱрезерінҷе национальнай программадаңар, хайзылары пістің республикаа ідӧк теелчелер. Піске регионда радиология корпузын пӱдірерге кирек. Пу сурығны пӧгерінҷе піс нинҷе-де чыл тоғын парирбыс.
Владимир Владимирович Путин транспорт, город инфраструктураларын, чурт пӱдіриин тилідерінде, экологияда таныхтаан пастағлар паза пӧгіннер пістің республикада улуғ кирексініснең тузаланчалар.
Прай ол аймах синдегі ӱлгӱ органнарына тоғыста тудынар кӧстеглер полыбызар. Республика пазы полып, Хакасия правительствозының ӧӧн пӧгіннерінің пірсіне санапчам - Россия президенті полған на чылдағы Айланызында таныхтаан программаларны чуртасха кирерге табырах тимненері.
Хазнаа паза чуртағҷыларға хорғыс чох поларына иділген тоғыстардаңар алынҷа чоохтирға сағынчам. Санапчам, іди хаҷан даа полбаан. Ол Чир-суубыстың кӧп чылларға ізестіг арачыланызы, - позының чооғында таныхтаан Виктор Зимин.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы