ЧӦПТЕЗІГ ТОЛДЫРЫЛЧА
06.03.2018
Хабарлар
Бюджет. Хакасияның бюджедінзер тиксі 2 миллиард салковай кірген. 1 миллиард 700 миллион салковай - республика бюджедінзер, 300 миллион салковай - Ағбан городтың бюджедінзер.
Ол «Коулстар» ООО-ның, «Майрыхтағы» разрезтің наа ээзінің, тӧстегҷілерінің пірсі, олаңай кізі чіли 2017 чылдағы парызын декларацияа киргенде, ағаа салылған налогтарның пастағы чардығы полча. Аны ирткен чыл тоозылчатханда Хакасия правительствозы паза «Коулстар» ООО хол салған чӧптезігде кӧр салғаннар. Олаңай кізінің парызына салылған тиксі налог сині 5 миллиард 150 миллион салковайға тиңнелче. Россияның бюджет кодексі хоостыра аның 85 % - 4 миллиард 400 миллион салковай - республика бюджедінзер кірер, 15 % Ағбанның бюджедінзер. «Коулстар» ООО-ның пір ээзінең не кірген ахча республикадағы прай хара тас предприятиелерінең ӱс чылға кірген налогтарынаң тиң.
Налогтың халған чардығы 3 миллиард 150 миллион салковай пӱӱл июльда кірер тіп кӧрілче, ол санда республика бюджедіне 2 миллиард 700 миллион салковай. Ағбан город бюджедінзер тиксі 772 миллион салковай кірер. Андағ оңдайнаң Хакасия правительствозы Тиліс чӧбінде городха пирілген молҷағларын толдыр салар.
Хоза кірген парыстаң 500 миллион салковайны Хакасия пазы Виктор Зимин республиканың бюджет учреждениелері тоғынҷыларына февральның чал ахчазын, ӧкіс палаларны ӧскіреріне пособиелерні тӧлиріне паза льготалығ чуртағҷыларға кӧрілген аймах хабазығларға позыдарға чаратхан. Хакасияның муниципальнай пӱдістеріндегі бюджет тоғынҷыларына хоза 105 миллион салковай пирілері кӧрілче. Кірген ахчаның халған чардығы 1 миллиард 150 миллион салковай коммерческай ӧдістернің чардығын чабарына парар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде