ДИАНАНЫҢ ХОЛА МЕДАЛЬЫ
13.03.2018
Хабарлар
Саналығ чӱгӱрерінҷе Россия Кубогы ӱчӱн марығлар Архангельск облазындағы «Малиновка» спорткомплексте ирткен. Анда иреннер паза ипчілер араласханнар.
Хакасиядаң пу марығларда Диана Головань позының узын сынаан. Ол Россияның иң чахсы спортсменнерінең хада марығласхан. Чир-суғҷыбыс хомай нимес тимненіс кӧзіткен. Іди Диана 30 км классическай оңдайнаң чӱгӱрерінде ӱзінҷі орын алған, ибзер хола медальлығ айланған. Ікінҷі орын алған Лариса Рясинадаң (Санкт-Петербург) пір секунда артиинаң на соона халған.
Таныхтирға кирек, Архангельск облазынзар Пхёнчханда ирткен Олимп ойыннарына хығыртылбаан спортсменнер чӧргеннер.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы