ЫРЫС ПОЛЗЫН ЧОНЫБЫСХА!
20.03.2018
Хабарлар
Ӱлӱкӱн. Асхыста табығлар кӱнінде Чыл пазын таныхтадылар.
Асхыстағылар хас пазында 12.00 часта чыылысханнар. Алнында чарлағ полған - Чыл пазын удурлирға килердеңер. Кӧбізі, ӱн пирібізіп, Чыл пазын ӱлӱкӱннирге маңзыраан. Ӧӧркі чайаан чоныбысха айаан ма алай хайди уғаа чахсы кӱн турған - амыр паза чылығ.
Олғаннарға хайдағ хынығ, аймах аттракционнар, поездтер, батуттар, чилеңместер. Мындох аймах ас-тамах садылған. Чыл пазын Асхыстағы культура туразының тоғынҷылары иртіргеннер. Чонны алғыстирға сценазар Асхыс аймааның пазы Абрек Челтыгмашев сыхты, аның соонаң Асхыс аймаандағы улуғлар чӧбінің кнезі Леонид Горбатов чоох тутхан.
Мына сценазар эстрада артисттері сыхча. Сарыннар Асхыс аалҷа чайылча. «Кӱмӱс ӱннер» паза «Отрада» ырҷы ипчілернің ӧмелері чонны ӧріндірчелер. Асхыста ырҷы кӧп полтыр - таныбас таа кізілер, сценаа сығып, ырлап парчалар.
Чиит тус сағысха кірче: «Чоғархы Асхыста табығлар кӱнінде аал аразынҷа хостаан аттығ ойлат чӧрҷеңнер, гармошканаң ойнап иртчеңнер. Улуғ ӱлӱкӱн полҷаң». Алай ол тустар айланчалар ба? Хомай нимес табығлар піди иртчеткені - чон ӧрінче, хатхы-кӱлкі.
Ырыс ползын чоныбысха!
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде