СИДІКСІНІСТЕРНЕҢ КӰРЕССЕ, САЛТАР ПОЛАДЫР
21.03.2018
Хабарлар
Кӱн сурии. Хакасияның школа алнындағы ӱгредіг системазында хоза орыннар тӧстирінҷе тоғыс узарадылча.
Пу чағынғы чылларда Ағбанда, Асхыста, Алтай аймаанда 3 час толғалах палаларға кӧріл парған группалығ наа олған садтары пӱдірілер. Россия президентінің чахиинаң школа алнындағы учреждениелерде хоза орыннар тӧстиріне регионнарға 50 млрд салковай позыдылған.
Аны хоостыра Хакасия пазы республиканың ӱгредіг паза наука министерствозына пӧгін турғысхан - ӱс час толғалах палаларға олған садтарын пӱдірерінҷе федеральнай программаа кіріп аларға. Че ирткен правительство чыылиинда Хакасияның ӱгредіг паза наука министрі Лариса Гимазутина регион пазына читірген:
- Россия правительствозының чарадии хоостыра республикаа ӱс час толғалах палаларға хоза орыннар тӧстирге хоза ахчалығ полызығ пирілче. Аның сині - 521 млн 677 муң салковай.
Регион пазының таниинаң, Хакасия олған садтары пӱдірии хоостыра хазнаның чахсы регионнарының санында. Ирткен чылларда школаа чӧргелек палаларға 13 муңҷа орын тӧстелген.
- Піске аннаң андар пу пӧзіх синні тударға кирек. Хаҷан-да ол сурығ пӧгілеріне киртінмеебіс. Ниик чолҷа парарға чарир полған: сидіксіністерге сылтанып, кредиттер албасха, пір дее ниме пӱдірбеске. Че андада піс пӱӱн ӱс час толғалах палаларға кӧріл парған олған садтарынаңар чоохтаспасчыхпыс, - теен Виктор Зимин.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы