СУҒ ТАЗАРЫНАҢ ХОРҒЫС ПАР
11.04.2018
Хабарлар
Сизіндіріг. Хакасияда чылығ кӱннер турыбызар тіп сахталча.
Республиканың гидрометеоцентрі искіриинең, 11 - 13 апрельде регионда кии кӱнӧрте +10, +18 градусха теере чылиры, хар паза наңмыр чаары сахталча. Аннаңар аал-городтарның ойым чирлерінде орныхчатхан участоктарзар хар суу паза тағлардаң ахчатхан суғ кірерге айабас. Ідӧк кічіг суғлар тазарынаң, тахталар суға кірерінең паза дамбалар суға чууларынаң хорғыс пар.
Чуртағҷыларға ис-пайны суғдаң арачылирына амох тимнен саларға кирек. Суғ ӱӱҷікте ле нимес, ідӧк орада паза тура істінде пол парарға айабас. Чурт ээлеріне ас-тамахтарын, орадаң азынада сығарып, хорғыс чох орынзар тазып саларға кирек. Иб істінде мебельні пӧзік кӧдір салғаны артых полбас. Тура хыриндағы суға ах парыбызар ниме-нооларны палғап саларға чарир. Ибіңер суға кір сыхса, малны хайдар сӱрерін азынадох кӧр салыңар.
Суғ ағысчаң канаваларны сыныхтап турыңар паза тӧреміл арығлаңар. Хумнығ хаптар тимнеп салыңар паза хайылған хар суу кірзе, суғны тулғирында оларнаң тузаланыңар. Ісчең суғ пар ползын.
Хайдағ кӱн турарынаңар паза кирек хайди парчатханынаңар искіріглерні хайығда тудыңар. Суғ кірчеткенін сизін салзаңар, сах андох аймахтың пірге тоғынчатхан диспетчер службазынзар (ЕДДС) айланыңар. Кізі чуртазына хорғыс пар полза, ӧрт ӱзірҷең-арачылағ службазынзар 101 телефонҷа алай экстреннай службаларны хығыртчаң 112 пірге номерҷе сығдырадыңар.
Россия МЧС-ының Хакасияҷа ӧӧн управлениезінің киртініс телефоны - 8(3902) 299-233;
Хакасияның транспорт паза чол хонии министерствозының киртініс телефоны -8(3902)24-29-97;
Хакасияның чир-чайаан ис-пайы паза экология министерствозының диспетчер службазы - 8(3902)27-86-56;
Ағбан г. ЕДДС - 8(3902) 22-41-64; 004
Харатас г. ЕДДС - 8(39031) 2-59-51
Саяногорск г. ЕДДС - 8(39042) 2-11-97
Абаза г. ЕДДС - 8(39047) 2-48-52
Сорығ г. ЕДДС - 8(39032) 3-27-44
Алтай аймаа ЕДДС - 8(39041) 2-16-41
Асхыс аймаа ЕДДС - 8(39045) 9-23-04
Боград аймаа еДДс - 8(39034) 9-11-77
Пии аймаа ЕДДС - 8(39044) 3-00-09
Орджоникидзе аймаа ЕДДС - 8(39036) 2-24-16
Таштып аймаа ЕДДС - 8(39046) 2-14-19
Шира аймаа ЕДДС - 8(39035) 9-11-06
Ағбан пилтірі аймаа - 8(39032) 2-15-09
Автор :
Хакасияның ГО, ЧС паза ПБ управлениезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде