РАМТ - Хакасияда
02.07.2021
Хабарлар
"Улуғ гастрольлар" - федеральнай программа. Ол Россияның культура министерствозының хабазиинаң, хазна регионнарының профессиональнай театрларынаң хада пик палғалыс тудар пöгiннең, чуртасха кирiлче.
Пуох программа хоостыра Хакасиязар Россияның чииттернiң академическай театрының чайаачы öмезi килген. Москвадағы артисттер пiстiң кöрiгӌiлер хайиина ӱс спектакль сығарарлар: "Эраст Фандорин", "Чехов GALA" паза "Денискины радости". Хайди искiргеннер "Улуғ гастрольларға" чарыдылған пресс-конференцияда, пу спектакльлар М.Ю.Лермонтовтың адынаң орыс драма театрының улуғ сценазында турғызылар. Пiлдiстiг сылтағнаң, кöрiгӌiлер залзар 50% ле кирiлерлер. Че, чонға удур парып, Хакасияның культура министерствозы РАМТ-тың ойыннарын кöнi эфирӌе кöзiдерге чарадығ алыбысхан. Аннаңар билет ал полбааннарға саблығ театрның ӱс ойынын культура министерствозының социальнай сетьтердегi официальнай сайттарында кöрiп аларға чарир.
"Эрас Фандорин" пӱӱн, 2 июльда, 18.30 часта пасталар, "Чехов GALA"- 3 июльда 18.00 часта, "Денискины радости" - 4 июльда 18.30 часта.
Автор :
Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы