19 кiзi хазыхтанып алған, 151 - ағырыбысхан
04.07.2021
Хабарлар
Хакасияда "коронавирус" диагнозтығ 19 чуртағӌы имненген соонаң хазыхтанып алды. Пӱӱнгi кӱнге наа чуғынӌах ағырығдаң чазылып алғаннарның саны 6657 кiзее чит парды (01.01.2021 чылдаң сығара).
Халғанӌы суткада республиканың лабораторияларында 151 кiзiдең COVID-19 табылған (Ағбан - 67, Харатас - 21, Ағбан пилтiрi аймаа - 16, Саяногорск - 15, Асхыс паза Шира аймахтары - алтылар кiзi, Алтай паза Пии аймахтары - тöртер кiзi, Абаза город, Боград, Таштып аймахтарында - ӱзер кiзi, Орджоникидзе аймаанда - 1 кiзi, iдöк Хызылчар крайынаң ааллап килген 2 чуртағӌы):
- 45 чир-суғӌыбыс, кискекнең ағырыбызып, имнег тураларынзар айланғаннар;
- 25 чуртағӌыдаң ағырығ внебольничнай пневмониядаң имненчеткенде сығысхан;
- 38 кiзi наа чуғынӌах ағырығны сöбiреде хаптырып алған, 9 -тоғыста;
- 9 чуртағӌыдаң ағырығ план хоостыра сыныхтағ иртiрчеткенде табылған;
–14 кiзiдең пос кöңнiнең сыныхтағ ирткен соонаң;
– 11 чуртағӌы пасха субьекттерзер паза хазналарзар ааллап чöрген соонаң коронавируснаң ағырыбысханнар (Хызылчар крайы - 4, Новосибирск - 4, Кемерово - 2, ОАЭ - 1).
Чыл пасталғанынаң пiстiң регионда тиксi 8068 чуртағӌы коронавируснаң ағырыбысхан. Пӱӱнгi кӱнде ағырығның 4 кӱнге чон аразында тарапчатхан коэффициентi 1,2 кöзiдiмге читче, 7 кӱн аразына - 1,5.
Имӌiлер 6674 (+455) кiзiнi хайиинда тутчалар, олар прайзы ағырыбысханнарнаң палғалыста полғаннар.
Ибде 1514 (+22) чуртағӌы имненче, имнег тураларында - 723 (-5) кiзi: оларның 19-зы (-4) ИВЛ аппарат полызиинаң тынчалар.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде