ТУРИЗМ - АЛЫНҶА ОРЫНДА
16.07.2021
Хабарлар
Тоғазығ. Хакасияның пазы хырығ озаринаң килген журналисттерге республиканың туризм паза инвестиция саринаң тиліӌең оңдайларынаңар чоохтап пирген
Хакасияның пазы Валентин Коновалов пасха хан чирі СМИ-лары хабарӌыларынаң тоғасхан. Олар республиказар анын туризм паза инвестиция саринаң тиліҷең оңдайларынаң танызар пӧгіннең килгеннер.
Исландиядаң, Хыдаттаң, Сириядаң, Эквадордаң паза Узбекистаннаң килген хабарҷылар ӧмезін Россия МИД-ының искіріг паза печать департаменті тӧстеен. Пресс-тур пасха хан чирі министерствозының паза Хакасия правительствозының республиканы чоннар аразындағы турист рыногынзар сығарарынҷа пірге тоғыстың пастағы чардығы полча. Журналисттер ікі кӱн аразына Хакасияның сіліг чир-чайааннығ орыннарынзар паза саблығ культура объекттерінзер пар килерлер, национальнай тархыннаң паза кибірлернең танызып аларлар.
- Хакасия позының хайхастығ орыннарынаң саблығ турист кіннерінең пір дее халбинча. Піс ізенчебіс, сірернің полызииңарнаң чирнің аймах-пасха пулуңнарындағы кізілер аннаңар піліп аларлар паза пістің республиказар ааллап килерге сағыныбызарлар, - теен чолабиттіг чооғында Валентин Коновалов.
Журналисттер регион пазына Хакасияның туризм паза инвестиция саринаң тиліҷең оңдайларынаңар сурығлар пиргеннер. Валентин Коновалов республика туристтерге ле нимес, ідӧк бизнеске азых полчатханын таныхтаан: идінҷектерге истіг паза парыстығ оңдайлар тӧстирі - регион правительствозының тоғызыңда ӧӧн кӧстеглернің пірсі.
- Хакасия правительствозы инвесторларға хазна хабазиин пирҷең оңдайлар тӧстеп салған, оларңың санында гранттар паза налогтарҷа преференциялар пирері. Піс чирлерні тилітчең коңцепцияларҷа тоғьнчабыс паза комплекстіг инвестиция проекттерін тимнепчебіс. Оӧн отрасльлар саныңда аал хониин пӱдірігні, хара тас паза металлургия промышленнозын адап поларбын. Че туризм республиканың тилізінде алынҷа орында полча, - чоохтап пирген Валентин Коновалов.
Хабарҷылар республиказар кил парарға паза мындағы чир-чайаанны, культура хумартхыларын пос хараанаң кӧріп аларға оңдай пиргені ӱчӱн алғыстарын читіргеннер.
2021 чылға пасха хан чирі СМИ-ларына ӱстең ас ңимес пресс-тур иртірері кӧріл парган.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде