Чааӌылар госпитальы азылар
16.07.2021
Хабарлар
Коронавирус чуғынӌах ағырығ тарапчатханнаң тоғыр кӱрезерiнӌе штабтың теестегi чыылии ирткен.
Ирткен суткадағы танығларнаң республикада коронавирус чуғынӌах ағырығнаң 177 кiзi ағырыбысхан. Хазыхтанып алғаннарның саны 142 кiзее тиңнелче. Имӌiлер хайиинда 11234 кiзi, олар ағырчатхан кiзiнең контактта полғаннар. Ибде наа чуғынӌах ағырығнаң имненчеткеннернiң саны 3562 чуртағӌы. Стационарларда 1202 пациент, 14 кiзi ИВЛ-да. Халғанӌы суткада коронавирус диагностығ 13 кiзi ӱреен.
- Хакасияда пу сағында чааӌылар госпитальы тоғынып пастир. Россия Федерациязының арачыланыс министерствозынзар сурыныснаң айланғабыс. Министр Сергей Кужугетович удур парып, ағырығнаң кӱрезерге хабасча. Пу кӱннерде Ағбан пилтiрiндегi училищенең корпузында 100 орынға кöрiлген чааӌылар госпитальы тоғынып пастир, - искiрген оперштабта Хакасия пазы Валентин Коновалов.
Iдöк оперштабта искiргеннер пӱӱнгi кӱнде республиканың имнег учреждениелерiнде коронавирустың тоғыр алты муң азыра вакцинаның дозазы халған. Таңда иртен регионзар 13200 вакцинаның дозазы килерге кирек. Аннаңар прививка турғыстырарға сағынчатханнар орындағы имнег учреждениезiнзер айланып, турғыстыр полар.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы