Вакцинация палатказын ӧртеен ирен тутырды
30.07.2021
Хабарлар
Четверг иирде изiрiк ирен Россияның арачыланыс министерствозының вакцинация иртiрҷең палатказын ӧртеен. Аны республика пазының сурынызы хоостыра Ағбандағы пастағы Май ачығында турғысхан полғаннар.
Полиция иреннi хысха тус аразына тудып алған. Аның тың изiрiк полғаны харахха тасталған, аннаңар ниме иткенiн дее оңарбааны пiлдiстiг полған.
Ӧрт ӱзiрҷеңнер табырах килгеннер. Азынада сананыстарҷа ӧртке чарым квадрат метр хабылған, палатканың тастындағы баннерi ӱредiлген, кiзiлер хазиина пу кирек теелбеен.
- Хайди андағ хомай кирекке чидерге кирек полған? Пiс андағ киректі хомайлапчабыс. Чааҷылар Хакасияның чуртағҷыларын ирткен чылда COVID-19 айныпчатхан туста арачылааннар. Пiс полызығ сурғандох, олар сах андох ӱндескеннер. Россияның арачыланыс министерствозы паза алынҷа арачыланыс министрi алнында пыросынчабыс. Хакасия правительствозы право хайраллаҷаң органнарнаң хада чааҷылар республикаа полызығны хорғыс чох оңдайларда читiрерiн узарадар ӱчӱн прай ниме идер, - теен Валентин Коновалов.
Чааҷы имҷiлер Хакасияның чӱзер чуртағҷызына квалификациялығ имнег полызиин читiргеннер. Россияның арачыланыс министерствозының вакцинация орнының 4 тоғыс кӱнiне 1000-ҷа кiзi прививка турғыстырып алған.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы