Iкi неделя аразына 20 муң вакцина килер
30.07.2021
Хабарлар
Республикада коронавирус чуғынӌах ағырығ тарапчатханынаң тоғыр кӱрезерiнӌе штабтың теестегi чыылии ирткен.
Халғанӌы суткадағы танығлардаң, республикада коронавирус чуғынӌах ағырығнаң 178 кiзi ағырыбысхан. Хазыхтанып алғаннарның саны 320 кiзее тиңнелче. Имӌiлер хайиинда 12020 кiзi, олар ағырчатхан кiзiнең палғалыста полғаннар. Ибде наа чуғынӌах ағырығдаң имненчеткеннернiң саны 4928 чуртағӌы.
Стационарларда 1276 пациент, 22 кiзi ИВЛ-да. Пандемия пасталғаннаң коронавирус диагнозтығ 750 республика чуртағӌызы ӱреен. Халғанӌы суткада - 6 кiзi.
Хакасияда коронавирустаң тоғыр вакцинаның пастағы чардығын 135152 чуртағӌы турғыстырып алған, iкiнӌi чардығын - 93509 кiзi. Пӱӱнгi кӱнде республиканың имнег учреждениелерiнде 21 муң доза вакцина пар. Iкi неделя аразына республиказар 20 муң азыра вакцина дозазы килер. Вакцинация иртерге сағынчатхан кiзi, орындағы имнег туразынзар айланып, прививка турғыстыр полар.
Республиканың имнег учреждениелерiнде коронавируснаң ағырчатхан кiзiлернi чатырӌаң 1496 орған тöстелген, олардаң 1309 орғанда кiзi чатча, 177 орған - пос.
Iдöк оперштабта искiрiлген, Хакасия пазы Валентин Коноваловтың чахии: "Росгвардияа Россияның арачыланыс министерствозының вакцинация иртiрӌең палатказын харааларда хайығда тударға".
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы