Пландағы имнег айландырылча
13.08.2021
Хабарлар
Республикада коронавирус чуғынӌах ағырығ тарапчатханынаң тоғыр кӱрезерiнӌе штабтың теестегi чыылии ирткен.
Халғанӌы суткадағы танығлардаң, республикада коронавирус чуғынӌах ағырығнаң 175 кiзi ағырыбысхан. Хазыхтанып алғаннарның саны 110 кiзее тиңнелче. Имӌiлер хайиинда 2882 кiзi, олар ағырчатхан кiзiнең палғалыста полғаннар. Ибде наа чуғынӌах ағырығдаң имненчеткеннернiң саны 5551 кiзi. Стационарларда имненче 1002 пациент, 29 кiзi ИВЛ-да. Чыл пасталғаннаң коронавирус диагнозтығ 462 республика чуртағӌызы ӱреен, халғанӌы суткада - 3 кiзi.
Хакасияда мыннаң мындар коронавирустаң тоғыр вакцинация парча. Имнег организацияларында вакцина читкiӌе. Пӱӱнгi кӱнде республиканың имнег тураларында Россия Федерациязында пiчiкке кирiлген тöрт вакцина пар. Иң кöп "Спутник V" паза "Спутник Лайт" вакциналар.
Имнег тураларынзар чатырылчатханнарның саны хызырылчатханнаңар пу чағында пасха даа ағырығларнаң ағырчатханнарны имнеп пастирлар. Андағ оңдайнаң Хубачардағы терапия пöлиинде пландағы имнег пасталар.
Мыннаң мындар киректер чахсыланчатса, Н.М.Одежкиннiң адынаң харах имнеӌең паза Г.Я.Ремишевскаяның адынаң республиканың имнег тураларын iдöк пландағы имнег пирерiне айландырарға пöгiн турча.
Пӱӱнгi кӱнде имнег учреждениелерiнде коронавируснаң ағырчатхан кiзiлернi чатырӌаң 1450 орған, оларның 1038-iнде кiзi чатча. Орғаннарның 28% пос.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде