Ікі республика устағӌызы тоғасхан
10.09.2021
Хабарлар
Киҷее Казаньда Хакасия пазы Валентин Коновалов Татарстан Республика пазы Рустам Нургалиевич Миннихановнаң тоғасхан.
- Пiстiң республикалар аразындағы садығ-экономика паза гуманитарнай палғалыстарны тилiдерiн ӱзӱргебiс, - чарытча Валентин Олегович социальнай сетьтердегi страницаларында.
Пӱӱнгi кӱнде Татарстаннаң Хакасиязар КамАЗ-тарның хоза чардыхтары, дизель топливозы, бензин, шиналар, азот удобрениезi, имнег тирiглерi, имнер, ас-тамах читiрiлче. Хакасия, тiзең, Татарстанға бентонит порошогын, хара тасты, ит ас-тамаан паза пасха ниме-ноо пирче. Пӱӱнгi кӱнде садығны алғыдар прай оңдайлар пар.
Аннаң пасха Хакасияның паза Татарстанның городта истiг оңдайлар тӧстирiнде, саннығ технологияларны кирерiнде, ӱгредiгде паза наукада пiрге тоғынарға чарир, туризмде палғалыстарны алғытчаң оңдайлар парох.
Валентин Коновалов Рустам Нургалиевичтi Хакасия делегациязын "Россия спорт державазы" чоннар аразындағы ӀХ спорт форумында чылығ удурлаан ӱчӱн алғызын читiрген паза пiстiң республиказар ааллап хығырған.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы