117 кiзi хазыхтанып алған, 105 кiзi ағырыбысхан
10.09.2021
Хабарлар
Хакасия правительствозындағы коронавирустаң тоғыр кӱрезерiнӌе оперативнай штабтың теестегi чыылиинда искiрiлген, республикада халғанӌы суткада COVID-19 наа чуғынӌах ағырығдаң 117 кiзi хазыхтанып алған, че 105 кiзi ағырыбысхан.
Коронавируснаң ағырчатханнарның пiр чирде полған кiзiлер саны - 3132 кiзi, имненчеткеннернiң - 2689. Ағырығдаң тиксi 42132 кiзi имненiп алған. Халғанӌы суткада пу чуғынӌахнаң ағырчатхан 8 кiзi ӱреен. Коронавирустаң ӱрееннернiң тиксi саны - 664 кiзi. Ибде сағам 2095 кiзi имненче.
10 августта имнег тураларында пу ағырығдаң ирееленчеткеннерге тиксi 880 орын тимнелген. Оларның 594-iнзер кiзiлер имненерге чатырылған. Пу кӱнде 286 орған пос турча. 502 орғанда кислород пар. Андағ орыннарның 221-i (44%) сағам пос турча.
Пӱӱнгiдең сығара республиканың имнег туразындағы хирургия корпузынзар коронавируснаң ағырыбысхан кiзiлер чатырылбас. Пос турчатхан орғаннар санын 20% хызырарға пöгiнчелер.
Республикада коронавирустаң тоғыр вакциналар читкiӌе, че халғанӌы туста прививка турғыстырчатханнарның саны тың хызырыл парған. Пу тоғысты öткiн апарарға кирек тiп чоохталған чыылығда.
Iдöк регионда тымо-кискек ағырығдаң тоғыр вакцинация апарылча. Пӱӱн аны 19 муң азыра кiзi турғыстырып алған. Пу паза коронавирус ағырығлардаң тоғыр прививка турғызарынӌа тоғыс узарадылча.
Автор :
Инора Боргоякова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
