ШИРА АЙМААНА - АВТОКЛУБ
15.09.2021
Хабарлар
«Культура» нацпроект. Пу кӱннерде Шира аймаанда ӧріністіг кирек полған - Культура туразына автоклуб читірілген
Аның тиксі паазы - 7 миллион азыра салковай. Ол пу аймахха «Культура» национальнай проект хоостыра алылған. Кӧп функциялығ культура кіні кузов-фургон кӧрімніг. Аның істінде ӱлӱкӱн-пайрамнар иртірер оборудование прай пар. Ағаа хоза, автоклуб асфальт чох чолларча чӧрерге кӧріл парған. Анзы аймахтың иң ырах аалларында мероприятиелер иртірер оңдай пирче.
- Піс национальнай проекттернің прайзында ӧткін араласчабыс. Мындағ танығлығ кирек ол пістің улуғ нимес чидиибіс полча. Ізенчем, автоклуб піске ӱр тус туза ағылар, - теен Шира аймааның пазы Сергей Зайцев.
Шира аймаандағы культура, чииттер политиказы, спорт паза туризм устанызының пастығы Сергей Ашуркин орындағы чонны ідӧк автоклуб алып алғанынаң чылығ алғыстаан.
- Пістің сағызыбыс толды! Амды пістің Ширада ла нимес, аймахтың аалларында паза республиканың пасха даа аймахтарында пайрамнар паза мероприятиелер иртірер оңдай пар, - теен ол.
Хакасияның культура министерствозы даа кӧс чӧрчең автоклуб Шира аймааның чуртағҷыларына улуғ туза ағыларына ізенче.
Автор :
Хакасияның культура министерствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы