Хакасияда Халых кöрiгӌiлерi кiнi азылған
17.09.2021
Хабарлар
(Сомға суурған Д.Сунчугашев)
Пӱӱн, 17 сентябрьда, Л.Р.Кызласовтың адынаң Хакас национальнай чир-суғ ӱгренӌең музейде табығлар хайди иртчеткенiн сыныхтағда тутчаң Халых кöрiгӌiлерi кiнi азылған.
Кiннi азарында Хакасияның пазы Валентин Коновалов паза республиканың Халыхтар палатазының кнезi Ольга Левченко араласханнар.
- Пӱӱн пiс табығлар кӱннерiнде ӱн пирiс хайди парчатханын сыныхтағда тутчаң Халых кöрiгӌiлерi кiнiн асчабыстар, - таныхтаан Валентин Коновалов. - Кiннiң ööн пöгiнi - табығ процезiн кöрiндiре идерi паза кiрчеткен прай искiрiглернi чыыры. Сайбағлардаңар искiрiг кiрзе, кiн пазылчатхан видео полызиинаң аны сыныхтир оңдайлығ.
Кiннiң тоғызында волонтерлар, Ростелеком, МВД тоғынӌылары паза Халыхтар палатазының кiзiлерi араласчалар. Кiнде 4 улуғ экраннаң пӱтчеткен видеостена турча. Анда оох экраннарда 179 табығ участогынаң кöнi трансляция парча.
- Хакасияда мындағ кiн iкiнӌiзiн тоғынча, - искiрген Ольга Левченко. - Пастағызын ол 2018 чылда Россия президентiне табығлар тузында тоғынған. Ол тоғыс ӱчӱн пiс федеральнай синде таныхтатхабыс. Пӱӱн кiнде 60 артиинаң кiзi тоғынча. Кiн хараа-кӱнöрте тоғыс апарча. Кiнде iдöк табығӌыларнаң палғалыс тутчаң "iзiг линия" тоғынча, аның номерi - 8-800-200-98-38.
Автор :
Альберт Толмашов
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде